Часть 2: Арабские географы о Волжской Булгарии: что писали Ибн Хордадбех и Ибн Факих?
Часть 3: Византийский взгляд на тюрок: «Погиб целый народ вместе с женщинами и детьми, народ, численность которого составляла не 10 тысяч человек»
Часть 4: «Основным их богатством являются куньи шкурки»
Часть 5: «Русы один раз они совершили поход в море хазар и на какое-то время захватили Барза‘а»
Часть 6: «По реке Итиль плывут огромные корабли с товарами и разными предметами, доставляемыми из страны Хорезм»
Часть 7: «А у царя есть семь судей из иудеев, и христиан, и мусульман, и идолопоклонников»
Часть 8: «А к Ису из Булгара двадцати дней, они передвигаются на деревянных санях»
Часть 9: «А булгар – это многочисленные племена (умам) и народы (башар). Места их поселения близко примыкают к поселениям ар-Рума»
Часть 10. «Он единственный мусульманский автор, побывавший на Руси и сообщающий нам такие сведения, которых мы не найдем даже в русских источниках»
Часть 10: «А джинны сделали Сулайману рядом с этой рекой тысячу рек, каждая река размером в милю, и вынули из них землю»
Часть 11: «Царь (малик) Булгара и его население приняли ислам уже во времена ал-Муктадира»
Часть 12: «В то время здесь были соборные мечети, жило немало судей, знатоков мусульманского права и проповедников»
Часть 13: «Затем меня завели в седьмой огонь, называемый хавийа, и вдруг я оказался у замка, в котором тысяча домов из огня»
Русские летописцы о кочевниках евразийских степей
Русские летописи представляют уникальный источник информации по средневековой истории тюркоязычных кочевников Восточной Европы.
За исходную базу данных нами была взята Лаврентьевская летопись XIV в. Если информация сводов не повторялась в Лаврентьевской летописи, отбирались сведения летописи, наиболее приближенные по историческому сюжету и хронологии. Летописные тексты представлены с заменых букв древнерусского алфавита, вышедших из употребления, и буквенных цифровых обозначений современными равнозначными буквами и цифровыми знаками, позволяющими современному читателю понимать текст русских летописей. Наиболее часто используемые древнерусские термины расшифровываются в сносках. Своды сформированы в блоки информации.
После изложения основного текста ле- тописи приводятся его источники, причем второй и последующие источники указывают на то, что о соборах, изложенных в основном тексте, рассказывается и в них, как правило, разными вариантами.
Лаврентьевская летопись. Источник иллюстрации: ru.wikipedia.org
Волоты
Волотом бо нашедшим на Словены на Дунаискыя и седшим в них и насилящи им Словене же они пришедше седоша на Висле и прозвашася Ляхове...
...И по мнозех временах сели суть Словена по Дунаю реки, где ныне Угорская земля и Болгарьская и Волотом нашедшим на Словени на Дунаиския и седше в них и насильствующе на них. И от тех Словенци разыдошася...
Болгары, хазары, белые угры
...Словенску же языку якоже рекохом живущим на Дунаи приидоша от Скуф рекше от Казар6 рекомии Болгари и седоша по Дунаеви и населнеци Словеном быша. По сем приидоша Угре Белии и наследиша землю Словеньску прогнавше Волохи иже беша преже прияли землю Словеньску. Сии бо Угре почаща быти Ираклие цари... иже ходиша на Хоздроя царя Перскаго...
...Великии же Словенскъ и Руса опустеша до конца на многие лета яко и дивимъ зверемъ обитати и плодитися в них По времени же некоемъ паки приидоша з Дунава Словяня подъяше Ску и Болгаръ с собою немало и начаша паки грады они Словенскь и Русу населяти и приидоше же на них Угры Белые и повоеваше ихь до конца и грады их раскопаша....
Обры
В си же времена быша Обри иже воеваша на царя Ираклия и мало его не яша. Сии же Обри воеваша на Словены и примучиша Дулебы сущая Словены и насилье творяху женам Дулебьскым аще поехати бяше Обрину не даваше въпрячи ни коня ни вола повеляше впрячи 3 или 4 или 5 жен в телегу и ху бо Обри теломъ велици а умомъ горди и потреби
я Богъ и помроша вси и не оста их ни единъ Обрин...
Печенеги, угры черные
...По сихъ бо придоша Печенезе и пакы идоша Оугри Чернии мимо Киэвъ…
Хазары
...По сихъ же летехъ по смрти братье сея быша обидимы Древлями [и] инеми околними и наидоща я Козаре седящая на гора сихъ в лесехъ и реша Козари плтите намъ данъ съдумавше [же] Поляне и вдаша от дыма18 мечь и несоша Козари ко князю своему и къ стариишинамъ [своимъ] и реша имъ се налезохомъ дань нооу они же реша имъ откудаони же реша въ лесе на горохъ [а горахъ] надъ рекою Днепрьскою они же реша что суть въдали они же показаша мечь [и] реша старци Казарьстии не добра дань княже мы ся доискахомъ оружъемъ одиною стороною [остромъ] рекоша саблями а сихъ оружье обоиду остро рекше мечь си имуть имати дань на насъ и на инехъ страна… володеють [бо] Козары Русьскии князи и до дншнго дне…
6367 (859). Имаху дань Варязи изъ заморья на Чюди и на Слвене на Мери и на всехъ Кривичехъ а Козари имаху на Полянъ и на Севере и на Вятичехъ имху по белеи веверице от дыма…...Взимахоу Варязи дан на Чюде за моремъ и на Словянех и на Мери и на Весехъ
и Кривичях а Козаре имехоу дана на Полянех по беле з дыма…
Хазары. Источник иллюстрации: topwar.ru
Печенеги
6375 (867).... Того же лета избиша множество Печенегъ Осколдъ и Диръ...
Угры
6406 (898). Идоша Угри мимо Киевъ горою еже ся зоветъ нне Оугорьское [и] пришедъше къ Днепру и сташа вежами беша бо ходяще аки се Половци пришедъ от стока [въстока] и оустемиша чересъ горы великия [яже прозваша горы Угорскиа]…
...Идоша Угри мимо Киевъ... и пришедше ко Днепру сташа вежами беша бо ходяше яко и Половцы... и устремишася чрезъ горы великиа иже прозвашася горы Угорскиа и почаша воевати на живущаа ту седяху бо ту преже Словене Волохи же приаша землю Словеньскую по семъ же Угры прогнаша Волохи и наследиша землю ту и седоша съ Словены покоривше я подъ ся и оттоле прозвася земля Угорьская…
6409 (901). Леонъ царь наять Оугры на Блъгары Оугри же нашедше всю землю
Блъгарскую поплениша...
Печенеги
6423 (915). Приидоша Печенези первое на Роускую землю и сотворивше миръ со Игоре и приидоша к Дунаю...
...Приидоша Печенези первое на Рускую землю и сотворивше миръ со Игорем и приидоша к Дунаю В си же времена прииде Семионъ пленяа Фракию пришедшим и хотящимъ на Семеона расварившеся греческыа воеводы. Видевше Печенези яко семи на ся реч имуть отидоша въ своасы...
...приидоша Печенези на Русь и сътвориша миръ съ Игоремъ и приидоша къ Доунаю и Симеонъ Блъгарскыи поплени Фракию и много Грековъ посече и въсприатъ градъ Одренъ...
6428 (920). Поставленъ црь Романъ въ Греко а Игоре воеваше на Печенеги…
Поставлен бысть Роман царем во Грецех Костянтином царем и Николою патриархом.
Игорь же воеваше на Печенеги…
Угры
6442 (934). Первое приидоша Угре на Царьград и пленоваху всю Фракию. Романъ сотвори миръ с Угры...
6451 (943). Паки придоша Оугри на Црьград и миръ створивше съ Романо...
Печенеги
6452 (944) ...Игорь же совкупивъ вои многи Варяги Русь и Поляны Словени и Кривичи и Теверьце и Печенеги и тали оу нихъ поя поиде на Греки въ лодья и на конихъ хотя мьстити себе... се слышавъ црь посла к Игорю лучше боляре моля и гля не ходи но возьми дань юже ималъ Олегъ придамъ и еще к тои дани такоже и къ Печенегомъ посла паволоки и злато много Игор же доше Дуная созва дружину и нача думати... послуша ихъ Игорь и повеле Печенегомъ воевати Болъгарсьску земл [а] самъ вземъ оу Грекъ злато и паволоки и на вся воя и възратися въспять...
Хазары
6472 (964). Князю Стославу възрастъшю и възмужавш нача вои совкупляти многи... и иде на Оку реку и на Волгу и налезе Вятичи и рче Вятичемъ кому дань даете они же реща Козаромъ по щълягу от рала даемъ...
6473 (965). Иде Стослав на Козары слышавше же Козари изиша противу съ княземъ своимъ Каганомъ и съступиша битъ о бивши брани одоле Стославъ Козаромъ и гра[д] ихъ и Белу Вежю взя [и] Ясы победи и Касогы...
Печенеги
6476 (968). Придоша Печенези на Руску землю первое а Стославъ бяше Переяславци и затворися Вольга въ граде со оунуки своими... въ граде Киеве и оступиша [Печенези]__ градъ в силе велице бещислено множество около града и не бе льзе изъ града вылести ни вести послати Изнемогаху же людье гладомъ и водою собрашеся людье оноя страны Днепра в лодьях об ону страну стояху... и ре единъ отрокъ азъ преиду... он же изиде изъ града с уздою и ристаша сквозе Печенеги гля не виде ли коня никто же бе бо оумея Печенежьски... яко приближася к реце сверг порты сунуся въ Днепръ и побреде видевше же Печенези оустремишася на нъ стреляюще его... они же видевше с оноя страны и приехаша в лодьи противу ему и взяша в лодью... яко бы заоутра вседъше в лодью противоу свету и въструбиша вельми и людье въ граде кликнуша Печенези же мнеша князя пришедша побегоша разно от града и изиде Ольга со оунуки и с людми к лодье... ре князь Печенежьскии а ты князь ли еси онъ же ре азъ есмъ мужъ его и пришел есмъ въ стороже а по мне идетъ полкъ со княземъ бещисла множьство... и подаста руку межю собою... и въдасть Печенежьскии князь Претичю конь саблю стрелы онъ же дасть ему броне щитъ мечь [и] отступиша Печенези от града и не бяше льзе коня напоити на Лыбди Печенези и послаша Кияне къ Стославу... то слышавъ Стославъ вборзе вседе на коне съ дружиною своею и приде Киеву... и собра вои и прогна Печенеги в поли и бы миръ…
Печенеги. Источник иллюстрации: histrf.ru
Угры
6477 (969) ...Стославъ... хочю жити с Переяславци в Дунаи яко то есть середа в земли моеи яко ту вся блга51 сходятся от Грекъ злато паволоки вина [и] овощеве розноличныя и-Щехъ же из Урогь [Угръ] сребро и комони [кони] из Руси же скора и воскъ медь и челяд...
Печенеги
6479 (971)... а увесть цръ яко мало насъ есть пришедше оступять ны въ граде а Руска земля далеча, а Печенези с нами ратьни а кто ны поможетъ но створимъ миръ со црмъ Створив ж миръ Ст съ Греки поиде в лодья къ порогомъ и ре ему воевода отень Свендель поиде княже на конихъ около стоять бо Печенези в порозе и не послуша его [и] поиде в лодьяхъ и послаша Переяславци къ Печенегомъ... слышавше же се Печенези заступиша пороги и приде Ст къ порогомъ и не бе льзе проити порогъ и ста зимовати в Белобережьи и не бе оу ни брашна оуже и бе гладъ великъ...__ (972).
Поиде Ст в пороги и нападе на нь Куря кнзь Печенежьскии и оубиша Ст [и] взяша главу его и во лбе его съделаша чашю оковаш лобъ его и пьяху по немъ... 978).
6486 (978). Победи Ярополкъ Печенеги и възложи на нихъ дань...
6487 (979). Прииде Печенежьский князь Илдея и би челомъ Ярополку въ службу Ярополкъ же приать его и даде ему грады и власти и имяше его в чести велице... послы отъ Греческаго царя къ Ярополку... и яшася ему по дань якоже и отцу его и деду его...
6488 (980) ...поиде же Ярополкъ [и] рче же Варяжко не ходи княже оубьютъ тя побегни в Печенеги и приведеши ми и не послуша его и приде Ярополкъ къ Володимеру... (Варяжко же видевъ яко оубьенъ бы Ярополкъ) бежа съ двора в Печенеги и много воева Володимера с Печенегы одва приваби и заходивъ к нему роте...
Торки
6493 (985). Иде Володимеръ на Болгары съ Добрыною съ уоемъ своимъ в лодья а Торъки берегомъ приведе на коних и победи Болгары...
Печенеги
6496 (988)... и ре Володимеръ се не добро еже малъ городъ около Киева и нача ставити городы по Десне и по Востри и по Трубежеви и по Суле и по Стугне и поча нарубати му- же лучьшие от Словен и от Кривичъ и от Чюди и от Вятичь и от сихъ насели грады бе бо рать от Печенегъ и бе воююся с ними и одолая имъ...
...Приходиша множество Печенегъ и много зла сотвориша христианомъ Володимеръ же со множествомъ вой изыде противу ихъ и мало от нихъ избежаша нача ставити Володимеръ грады...
6499 (991) ...прииде Печенежский князь Кучюгъ иже нарицаются Измаилите къ Володимеру въ Киевъ и приать веру Греческую66 и крестися...и служаше Володимеру...и много на поганыхъ одоление показа...
6500 (992). Иде [в] на Хорваты пришедшю бо ему с воины Хорватьскыя и се Печенези придоша по онои стороне от Сулы Володимеръ же поиде противу имъ и срете и на Трубе__жи ни броде иде ныне Переяславль и ста Володимеръ на сеи стороне а Печенези на онои и не смяху си на ону страну ни они на сю страну И приеха князь Печенежьскыи к реке в[з]важ Володимера и ре ему выпусти ты свои мужъ а я свои да ся борета да аще ли нашъ мужъ оударить да воюемъ за три лета и разидостася разно... и оудави Печенезина в руку до смерти и оудари имъ о землю и кликнуша и Печенези побегоша и Русь погнаша по них секуще и прогнаша я... заложи городъ на броте томъ и наре и Переяславль (Того же лета посла Володимеръ на Печенеги и одолеша имъ…
6504 (996)...по сих же придоша Печенези к Василеву (и Володимеръ с малою дружиною изыде противоу) и съступившися и не могъ стерпети противу подъбегъ ста подъ мостом одва оукрыся противных и тогда обещася Володимеръ постави црковь Василеве стаг Преображенья...
6505 (997). Володимеру же шедшю Новугороду по верховъние вое на Печенегы бе бо рать велика бес перестани В се же время оуведеша Печенези яко князя нету придоша и сташа около Белагорода и не дадяху вылести из города и бы гладъ великъ в городъ и не бе лзе Володимеру помочи не бе бо вои оу него Печенегъ же множьство много и оудолжися остоя в городе и бе гладъ великъ и створиша вече в городе и реша се оуже хочемъ померети от глада а от князя помочи нету... и рче имъ сберете аче и по горсти овса или пшенице ли отрубъ они же шедше ради снискаша и повеле ископати колодязь и встави тамо кадь и нальяти цежа кадь и повеле другыи колодязь ископати и вставити тамо меду лукно бе бо погребено в княжи медуши и повеле росытити велми и въльяти в кадь в друземь колодязи оутро же повеле послати по Печенегы и горожане же реша шедше к Печенегом поимете к собе таль нашь а вы поидете до ≪1≫ (10) мужъ... и почерпоша ведромъ и льяша в латки [котлы] яко свариша кисель и поимше придоша с ними к другому кладезю и почерпоша сыты и почаша ясти сами первое... и варивше яше князи Печенезьстии и подивишася и поимще тали своя и онехъ пустивше въсташа от града въ своя
си идоша...
Половцы
6508 (1000). Прииде Володарь съ Половцы къ Киеву... Володимеру же тогда въ Переславце на Дунаи и бысть смятение велие въ Киеве и изыде нощию во стретение имъ Александръ Поповичь и уби Володаря и брата его и иныхъ множество Половецъ изби а иныхъ въ поле прогна ...Того же лета преставися Рагдай Удалой яко наезжаше сей на триста воинъ и плакася по немъ Володимеръ и погребе его съ отцемъ своимъ митрополитомъ Леонтомъ…
Половцы. Миниатюра из Радзивилловской летописи. Источник иллюстрации: ru.wikipedia.org
Печенеги
6509 (1001). Александръ Поповичь и Янъ Усмошвець убивый Печенежьскаго богатыря избиша множество Печенегъ и князя ихъ Родмана и съ трема сыны его въ Киевъ
къ Володимеру приведоша...
6512 (1004). Идоша Печенези на Белъградъ Володимеръ же посла на нихъ Александра Поповича и Яна Усмошвеца съ многими силами. Печенези ж слышавше побегоша въ поле... убиенъ бысть Темирь князь Печенежьский отъ своихъ сродникъ...
6523 (1015) ...Володимеру бо разболевшюся в се же время бяше оу него Борисъ Печенегом идущемъ на Русь посла противу имъ Бориса... Борису же възъратившюся съ вои
не обретшю Печенегъ... (…приехалъ бе къ нему Борисъ сынъ его изъ Ростова…);
Печенеги
6523 (1015) ...слышавше се Стополкъ идуща Ярослава пристрои бе-щисла вои [Роус и Печенегъ] и изыд противу емоу к Любичю об онъ полъ Днепра а Ярослвъ объ сю...
6524 (1016) ...бо бе оуже в заморозь Стополкъ стояше межи двема озерома и всю нощь пилъ бе с дружиною своею Ярославъ же заоутра исполчивъ дружину свою противу свету перевеся и выседъ на брегъ отринуша лодье от берега и поидоша противу собе и сступишася на месте быс сеча зла и не бе лзе озеромъ Печенегомъ помагати и притиснуша Стополка с дружиною къ [о]зеру и вьступиша на ледъ и обломися с ними ледъ и одалати нача Ярославъ (видев Стополкъ и побеже и одоле Ярослав) Стополкъ же бежа в Ляхы…
6525 (1017). Того же лета приидоша Печенези къ Киеву и всекошася въ Киевъ и едва
къ вечеру одоле Ярославъ и победи Печенеги и отбегоша.…
6526 (1018) ...и избиша Ляхы Болеславъ же побеже ис Кыева вьзма именье и бояры Ярославле и сестре его и Настаса пристави Десятиньнаго ко именью бе бо ся ему вверилъ лестью и людии множьство веде с собою и городы Червеньскыя зая собе и приде в свою землю Стополкъ же нача княжити Кыеве и поиде Ярославъ на Стополка и бежа Стополкъ в Печенегы.…
6527(1019). Приде Стополкъ с Печенегы в силе тяжьце и Ярославъ собра множьство вои и взыде противу ему на Льто [Олото]... и покрыша поле Летьское обои от множьства вои бе же пятокъ тогда въсходящю слнцю и сступишася обои быс сеча яка же не была в Руси и за рукы емлюче [за ру емлючися] сецяхуся и сступашася трижды яко по Удольемъ крови тещи [текущи]. К вечеру же одоле Ярославъ и Стополкъ бежа...
6528 (1020). Того же лета приходиша Печенези и много зла сътвориша и поидоша въ своа...
Хазары
6531 (1023). Поиде Мьстиславъ на Ярослава с Козары и съ Касогы…
Печенеги
6544 (1036). Ярославу же сущю Новегороде весть приде ему яко Печенеги остоять Кыевъ. Ярославъ събра вои многъ Варягы и Словени приде Кыеву и вниде в городъ свои и бе Печенегъ бещисла. Ярославъ выступи из града и исполчи дружину [и] постави Варягы посреде а по правеи стороне Кыяне а по левемъ криле Новгородци [и] сташа пред градомъ. Печенези приступиша и почаша и сступишася на место идеше стоить ныне стая Софья митрополья Русьская бе бо тогда поле вне града и быс сеча зла и одва одоле к вечеру Ярославъ и побегша Печенези разно и не ведяхуся камо бежати [ове бежаще] тоняху въ Сетомли ине же въ инехъ рекахъ а прокъ ихъ пробегоша и до сего дне...
Торки
6562 (1054) … В се же лето иде Всеволодъ на Торкы [зиме к Воиню] и победи Торкы…
Половцы
6562 (1054) …В сем же лет приходи Болушь с Половци и створи Всеволодъ миръ с ни-
ми и возвратишася [Половци] вспять отнюду же пришли...
Торки
6568 (1060). В семь же ле Изяславъ и Стославъ и Всеволодъ и Всеславъ совокупиша вои бещислены [и] поидоша на конихъ и в лодьяхъ бещислено множьство на Торкы се слышавше Торцы оубояшася пробегоша и до сего дне и помроша бегаючи Бжьимъ гневомъ гоними ови от зимы друзии же гладомъ ини же моромъ...__ (1061). Придоша Половци первое на Русьскую землю воевать. Всеволодъ же изиде противу имъ мсца девраля въ ≪В≫ (2) днъ. И бившимъся имъ победиша Всеволода и воевавше отидоша се быс первое зло от поганных и безбожныхъ врагъ быс же князь ихъ Искалъ [Соколъ]…
6576 (1068). Придоша иноплеменьници на Русьску землю Половьци мнози. Изяславъ же и Стославъ и Всеволодъ изодоша противу им на Льто [Олто]. И бывши нощи подъидоша противу собе грех же ради нашихъ пусти Бъ на ны поганыя и побегоша Русьскыи князи и победиша Половьци Изялаву же со Всеволодомъ Кыеву побегшю а Стославу Чернигову... людье же высекоша Всеслава ис поруба въ ≪Е≫(5) днь семтября... Посемь же Половцемъ воюющи около Чернигова. Стославъ же собравъ дружины неколико [несколко] изиде на нъ ко Сновьску [Сновенску] и оузреша Половци идущь полкъ пристроишася противу и видевъ Стославъ множьство ихъ и рче дружине своеи потягнемъ оуже нам не лзе камо ся дети [и] оудариша в коне и одоле Стославъ в трех тысячахъ [у трехъ тысящь] а Половец бе ≪В1≫ (12) тысяче... тако бьеми а друзии потопоша въ Сньви [Снови] а князя ихъ яша рукама въ ≪А≫ (1) днь ноября…
6579 (1071). Воеваша Половци оу Растовьця и оу Ятина (Неятина)…
6586 (1078) ...приведе Олегъ и Борисъ поганыя на Русьскую землю и поидоста на Всеволода с Половци Всеволодъ же изиде противу има на Съжице [Сожици] и победиша Половци Русь и мнози оубьени быша ту оубьенъ быс Иванъ Жирославичь и Тукы Чюдинъ братъ [и] Пореяни мнози и ини мнози [мсца авгоу] въ ≪КЕ≫ (25) Олегъ же и Борисъ придоста Чернигову мняще одолевше а земле Русьскеи много зла створше...
...Всеволодъ же приде к брату… своему Изяславу Киеву... и се рче оутеши Всеволода и повеле сбирати вои от мала до велика и поиде Изяславъ съ Ярополкомъ снмъ своимъ и поидоша к Чернигову... Володимеръ же приступи ко вратомъ всточнымъ от Стрежени и отя врата и отвориша градъ околнии и пожгоша... и бывшимъ имъ на месте оу селана Нежатине ниве и сступившимся обоимь быс сеча зла первое оубиша Бориса сна Вячеславля похвалившагося велми Изяславу же стоящу въ пешцихъ и внезапу приехавъ единъ оудари и копьеимъ за плече тако убьенъ быс Изяславъ... побеже Олегъ въ мале дружине и одва оутече бежа Тмутороканю [къ Роману въ Казары и Половци]...__ (1079). Приде Романъ с Половци къ Воину Всеволодъ же ста оу Переяславля и створи мир с Половци и възвратися Романъ с Половци въспять [и] бывшю ему оубиша и Половци мца августа ≪К≫ (20)…
Торки
6588 (1080). Заратишася Торци Переяславьстии на Русь. Всеволодъ же посла на ня сна своего Володимера. Володимеръ же шедъ победи Търкы....
Половцы
6590 (1082). Осень оумре Половечьскыи князь...
Хазары
Хазарский воин. Источник иллюстрации: topwar.ru
6591 (1083). Приде Олегъ из ГрекъТмутороконю и я Двда и Володаря Ростиславича и седе Тмуторокани [и] исече Козары иже беша светници на оубье[нье] брата его и на самого а Двда и Володаря пусти...
Половцы
6600 (1092) ...и рать велика бяша от Половець и отвсюду взяша ≪Г≫ (3) грады Песоченъ Переволоку [Прилукъ] и многа села воеваша по обема странома... (...лето же то бяше ведрено вельми яко земля изгараше и мнози боры и болота възгарахуся, от Половець же рать бе ве-
лика...).
В се же лето воеваша Половци Ляхы с Василькомъ Ростиславичемъ…
Половцы и торки
6601 (1093). В се время поидоша Половци на Русьскую землю слышавше яко оумерлъ есть Всеволодъ послаша слы къ Стополку о мире. Стополк же не здумавъ с болшею дружиною отнею и строя своего но светъ створи с пришедшими с нимъ [и] изъимавъ слы всажа и выстобку слышавше же се Половци почаша воевати и придоша Половци мнози и оступиша Торцинскыи град. Стополкъ же пусти слы Половецьскые хотя мира и не всхотеша Половци мира и ступаша Половци воюючи. Стополкъ же поча сбирати вое хотя на не... Он же рче имею отрокъ своих ≪Y≫ (700) иже могуть противу имъ cтати... Володимеръ же собра вои свои и посла по Ростислава брата своего Переяславлю веля ему помогати Стополку Володимеру же пришедшю Киеву… и поиде Стополкъ и Володимеръ и Ростиславъ къ Треполю [и] придоша къ Стужьне Стополкъ же и Володимеръ и Ростиславъ созваша дружину свою на светъ... и преидоша Стугну реку бе бо наводнилася велми тогда Стополкъ же и Володимеръ и Ростиславъ исполчивше дружину поидоша и идяше по деснеи стороне Стополкъ на шюеи Володимеръ посреде же бе Ростиславъ [и] минувше Треполь проидоша валъ и се Половци идяху противу и стрелци пред ними нашимь же ставшимъ межи валомъ поставиша стяги свои и поидоша стрелци из валу и Половци пришедше к валови поставиша стягы свое и налегша первое на Стополка и взломиша полкъ его. Стополкъ же стояше крепко побегоша людье не стерпяче ратных противленья и [послеже] побеже Стополкъ потомъ наступаша на Володимера и быс брань люта побеже и Володимеръ с Ростиславомъ [и] нача оутопати Ростиславъ... Володимеръ же побредъ реку с малою дружиною мнози бо падоша от полка его и боляре его ту падоша и перешедъ на ону сторону Днепра... пришедъЧернигову печаленъ зело Стополкъ же вбеже в Треполь и затворися ту до вечера и на ту ночь приде Киеву Половци же видевше сдолевше пустиша по земли воююче а друзии възвртишася к Торцьскому... мца мая въ ≪КГ≫ (23)… Половцемъ же оседящемъ из града оубиваху многы от противных. Половци же начаша налегати и отъимаху воду и изнемагати начаша людье в граде водною жажею и голодомъ и прислаша Торци къ Стополку глще аще не пришлении брашна предатися имам. Стополкъ же посла имъ и не бе лзе вкратися в градъ множьствомъ вои ратных [и] стояще около града недель ≪Д≫ (4). И разделишася надвое одина сташа оу града рать борюще а друзии поидоша Кыеву [и] пустиша на воропъ межи Киевъ и Вышегородъ. Стополкъ же выинде на Желаню и поидоша противу собе обои и съступишася и оукрепися брань [и] побегоша наши пред иноплеменьники [и] падаху язвени предъ врагы нашими и мнози погыбоша [и быша] мертвы паче неже оу Треполя. Стополкъ же приде Киеву самъ третии а Половци возвратишася к Торпьскому быша си злая мца ноуля въ ≪КГ≫ (23)... опустеша села наша и городи наши быхом бегаючи пред врагы нашими... иже избиша безаконьнии Половци воеваша много и възратишася к Торцьскому и изнемогоша людье в граде гладомъ и предашася ратнымъ Половци же приимше град запалиша и огнем [и] люди разделиша и ведоша в веже к сердоболемь своимь и сродником своимь...
Половцы
6602 (1094) Сотвори миръ Стополкъ с Половци и поя собе жену дщерь Тугорканю
кнзя Полвецкаг...
…Том же ле[те] приде Олегъ с Половци ис Тьмутороконя [и] приде Чернигову Володимеръ же затворися в граде Олегъ же приде к граду и пожже около града и манастыре пожже Володимеръ же створи миръ съ Олгомъ и иде из града на столъ отень Переяславлю а Олегъ вниде в град оца своего Половци же начаша воевати около Чернигова Олгови не взбранящю бе бо самъ повелелъ имъ воевати [се оуже третьее наведе поганыя на землю Русьскую]...__ 6603 (1095). Идоша Половцы на Грькы с Девгеневичемъ101 воеваша по Гречьстеи земли и цсрь яша Девгенича и повеле и слепити...
Половцы и торки
6603 (1095) …В тож лет Придоша Половци Итларь и Кытанъ к Володимеру на миръ приде Итларь в градъ Переяславль а Кытанъ ста межи валома с вои и вда Володимеръ Кы- танови сна своего Стослава въ тали а Итларь быс въ граде с лепшею друженою в то же время бяше пришелъ Славята ис Кыева к Володимеру от Стополка [на некое орудие] и начаша думати дружина Ратиборя со княземъ Володимером с погубленьи [И]тларевы чади... В ту нощь посла Володимеръ Славяту с неколикою дружиною и с Торкы межи валы [и] выкрадше первое Стослава потомъ оубиша Кытана и дружину его избиша вечеру сущю тогда суботному а Итлареви в ту нощь лежащю оу Ратибора на дворе с дружиною своею и не ведуче что ся надъ Кытаномъ створи Наоутрия яже в нделю... пристрои Ратиборъ отрокы в оружьи [и] истобку пристави истопити имъ и присла Володимеръ отрока своего Бяндюка по Итлареву чадь и рче Бяндюкъ Итлареви зовет вы князь Володимеръ реклъ тако обувшеся в тепле избе [и] заутрокавше оу Ратибора приедите ко мне и рче Итларь тако буди [и] яко влезоша въ истобку тако запрени быша възлезше на истобку прокопаша и верхъ и тако Ольбегъ Ратиборичь приима лукъ свои и наложивъ стрелу оудари Итларя в срдце и дружину его всю избиша и тако зле испроверже животъ свои Итларь в нделю сыропусную въ час ≪А≫ (1) дне мсца девраля въ ≪КД≫ (24) днь Стополкъ же и Володимеръ посласта къ Ольгови веляста ему поити на Половци с собою Олегъ же обещавъся с нима и пошедъ не иде с нима в путь единъ Стополкъ же и Володимеръ идоста на веже и взяста веже [и] полониша скоты и коне вельблуды и челядь и приведоста и в землю свою и начаста гневъ имети на Олга... се ты не шелъ еси с нама на поганыя иже погубили суть землю Русьскую а се оу тобе есть Итларевичь любо убии любо и даи нама то есть ворогъ [нама и] Русьстеи земли Олегъ же сего не послуша и быс межи ими ненависть…
…В се же ле Придоша Половци к Гургеву и стояше около его лето все и мало не взяша его Стополкъ же омири е Половци же не идоша на Рось Гюргевци же выбегоша и идоша Кыеву Стополкъ же повеле рубити городъ на Вытечеве холму в свое имя нарекъ Стополчь городъ и повеле епспу Мрину [Мурину] съ Юргевци [Гургевци] сести ту и Засаковцемъ [Заковцемъ] и прочимъ от инехъ градъ а Гюргевъ зажгоша Половци тощь сего же лета…
6604 (1096). В се же время приде Бонякъ с Половци к Кыеву. В нделю от вечера. И повоева около Кыева и пожже на Берестовемъ дворь княжь. В се же время воева Куря с Половци оу Переяславля и оустье пожже мсца мая ≪КД≫ (24) днь……Сего же мсца приде Тугорканъ тесть Стополчь [к Переяславлю] мсца мая ≪Л≫ (30). И ста около града а Переяславьци затворишася в граде. Стополкъ же и Володимеръ поидоста на нь по сеи стороне Днепра и придоста къ Зарубу [и ту] перебродистася и не очютишаихъ Половци... и исполчившеся поидоста к граду гражане же оузревше ради [быша и] поидоша к нима а Половци стояху на онои стороне Трубеже исполчившеся Стополкъ же и Володимеръ вбредоста в Трубежъ к Половцемъ Володимеръ же хоте нарядити полкъ [хоте Володимеръ порядити дружины] они же не послушаша но оудариша в коне к противнымъ се видевше Половци и побегоша а наши погнаша въ следъ ратных секуще... мсца ноулия въ ≪Д1≫ (14) днь. Побежени быша иноплеменьци и князя ихъ оубиша Тугоркана и сна его и ини князи мнози врази наши ту падоша на заоутрье же налезоша Тугоркана мертвого.. …Приде второе Бонякъ... г Кыеву внезапу и мало в градъ не вьехаша Половци и зажгоша болонье [попеску] около града и вьзвратишася в манастырь и вьжгоша Стефановъ манастырь и деревне и Герьманы [германечь] и придоша в манастырь Печерьскыи... И кликнуша около манастыря и поставиша стяга два пред враты манастырьскыми... высекоша врата манастырю и поидоша по кельямъ высекающе двери и износяху аще что обретаху в кельи... тогда же зажгоша дворъ красныи егоже поставилъ блговерный князь Всеволодъ на холму нарецаемемъ Выдобычи то все оканнии Половци запалиша огнемь...
Материал подготовил: Валерий Аксёнов
