«А Юрий князь с Татары и со всею силою Суздалскую почаша воевати Тверскиа волости»

II. Источники по истории Улуса Джучи в период расцвета

№ 1. Памятники литературы Древней Руси. Русь и Улус Джучи во второй пол. XIII - сер. XIV в.: противостояние Твери и Москвы

После изложения текста летописи приводятся его источники в виде принятых в науке буквенно-цифровых обозначений (Ил - Ипатьевская летопись, Лл - Лаврентьевская летопись, Н1л - Новгородская первая летопись, НГУл - Новгородская четвертая летопись, Тв.сб. - Тверской сборник, Сим. - Симеоновская летопись, Рог. - Рогожский летописец, Вл. - Владимирский летописец).

«В лето 6751 (1243 г.). Великыи князь Ярослав поеха в Татары к Батыеви, а сына своего Костянтина посла к Канови. Батыи же почти Ярослава великого честью и мужи его, и отпусти, и рек ему: «Ярославе, буди ты стареи всем князем в Русском языце». Ярослав же възвратися в свою землю с великою честью».

Лл. Стб. 470.
«В лето 6750 (1243 г) . .Того же лета князь великий Ярослав Всеволодовичь ходи в Орду к царю Бытыю, а сына Костантина посла х Кановичемь. Батый же почестивь великого князя Ярослава, и отпусти его, дав ему старейшинство в всем Руском языце; и прииде с великою честию в землю свою».

Тв.сб. С.385.
«В лето 6758 (события 1245 г.) Приславшю же Могучеве посол свой к Данилови и Васильку, будущю има в Дороговъску: «Дай Галичь»! Бысть в печали велице, зане не утвердил бе земле своея грады: и дума с братом своим посеха к Батыеви рече: «Не дам полуотчины своея, но еду к Батыеве сам». .И прийде к Переяславлю, и сретоша и татарове. Оттуда же еха к Куремьси, и виде, яко несть у них добра. Оттуда же еха к Куремьси, и виде, яко несть у них добра. Оттуда же болма нача скръбити душею, видя бо обладаньны Диаволом: скверна их кудешьскаа бляденья и Чингызаконова мечтаниа, скверннаа его кръвипитиа, многыа его волшьбы; приходящиа цари и князи и велможи, солнцю и луне и земли, и Диаволу, и умръшим во аде отцем их и дедом и матереем, водяше около куста покланятися имь. О скверна прелесть их! Сии же слыша велми нача скръбит. Оттуда же прийде к Батыеви, на Волгу, хотящу ся ему поклонити. Пришедшю же Ярославю человеку Съньгурови, рек- шю ему: «Брат твой Ярославь кланялъся кусту; и тобе кланятися»; и рече ему: «Диавол глаголеь из усть твоих; Бог загради уста твоа и не слышано будеть слово твое». И в тъй час познан бысть Батыем, избавлен Богом бысть и злого их бешениа и кудешьства; и поклонився по обычаю их и вънииде в вежю его. Рекшю ему: «Данило! Чему еси давно не пришел, а ныне иже еси пришел, а то добро же; пиеши ли черное молоко, наше питие, кобылей кумуз»? Оному же рекшю; «Доселе есмь не пил; но же ты велишь, пию». Он же рече: «Ты уже нашь же татарин: пий наше питие». Он же испивь поклонися, по обычаю их, измолва слова своя, рече: «Иду поклонитися великой княгини Баракъчи- нови». Рече: «Иди». Шед поклонися ей по обячаю: и присла вина чюм и рече: «Не обыкли питии молока, Пий вино». О злее зла честь татарьскаа!
<. .> Бывшю же князю в них дней 20 и 5, отпущен бысть и поручена бысть земля его ему, иже бяху с ним; и прийде в землю свою. <...>».

Ил. С.805-808.
«В лето 6754 (1246 г.) .Того же лета Михаило князь Черниговьскыи со внуком своим Борисом поехаша в Татары и бывший им в стане посла Батыи к Михаилу князю веля иму поклонитися огневи и болваном их. Михаило же князь не повинуся веленью их, но укори и, и глухия его кумиры, и тако без милости от нечестивых заколен бысть и конець житью прият месяца семтявря в 20 день на память святого Евстафия. Батыи же князя Бориса отпусти и к Сартаку сыну своему. Сартак же почтив князя Бориса отпусти я в своя си.
Тое же осени Ярослав князь сын Всеволожь преставися во иноплеменницех, идя от Кановичь месяца семтявря в 30 день на память святого Григория».

Лл. Стб. 471.
«В лето 6754 (1246 г.) .Князь Святославь Всеволодичь, нареченный Гавриил, и брат его князь Иван Стародубьскый Всеволодичь с сыновци своими приидоша ис Татарь на свою отчину; а великого князя Ярослава посла Батый х Кановичемь.

Того же лета убиень бысть князь Михайло Всеволодичь, Чермного сынь, Черниговский с Федором боярином своим, зане не поклонишася солнцу, и кусту и идолом.
<...> Слышавшее же се, иже бяху розбежалися по чюжим землям, и что их избылося, нача събиратися помалу; начаша же их звати Татарове с нуждею, глаголющее: «не подобает вам житии на земле канонове (и) Цареве Батыеве, не поклонившееся има»; мнози же ихавше поклонишася Батию царю. Обычай же имеяше Батый царь и кхан, аще кто придет поклонитися има, не веляше прьвие вести пред ся, но приказано бяше вльхвом вести а сквозе огнь, поклонитися кусту и огневи: а иже что с собою принесоша цареви дары, от всего того взимающее вълхвове, възметающе прьвее в огнь, потом же и саех пред царя пущаху с дары. Мнозии же князи и з бояры своими идяху с(к)возе огнь, и поклоняхуся солнцу, и кусту и идолам ихь, славы ради света сего, прашааше кождо их власти; они же без възбранениа даяху им, кто которыа власти хотяше, да прелстятся славою мира сего».

Тв.сб. С.386-388.
«В лето 6757 (1249 г.). Князь Глебь Всеволодичь ходи в Орду к царю Сартаку Батыевичу; и Сартак почтивь его отпусти. Тоя же зыми князь великий Александрь Ярославичь приде из Орды от Кановычь на великое княжение на Киев и на всю Рускую землю; а Андрей, брат его, (седе) в Володимери на столе».

Тв.сб. С.395-396.
«В лето 6760 (1251 г.). Иде Олександр князь Новгородскыи Ярославич в Татары. И отпустиша и с честью великою, давшее ему стареишиньство во всеи братьи его.
<...> В то же лето. Здума Андреи князь Ярославич с своими бояры бегати, нежели цесарем служити, и побеже на неведому землю со княгынею своею и с бояры своими.
И погнаша Татарове в след его [Андрея Ярославича], и постигоша и у города Переяславля. Бог же сохрани и и молитва его отца. Татарове же россунушася по земли и княгыню Ярославлю яша, и дети изъимаша, и воеводу Жидослава ту убиша, и княгыню убиша, и дети Ярославли в полон послаша, и людии бещисла поведоша до конь и скота, и, много зла створивше, отидоша.
Того же лета. Пустиша Татарове Олга князя Рязанского в свою землю.
Того же лета. Приде Олександр князь великыи ис татар в град Володимерь и со кресты оу Золотых ворот, митрополит и вси игумени и граждане, и посадиша и на столе отца своего Ярослава. <...>».

Лл. Стб. 473.
«В лето 6760 (1252 г.). Князь великий Александрь Ярославичь иде в Орду кь Сартаку цару. Того же лета прииде Неврюй, и Котъякь и Олабуга храбрый на великого князя Андреа Ярославича и на всю землю Суздалскую; идоша к Переяславлю таящеся, и срете их князь великий Андрей с полки своими, и победиша их Татарове. И беже князь Андрей в Новгород Великий, таже и к Пьскову, туже дождався княгыни, иде в Колывань; оттуду паки иде в Свейскую землю, и тамо местер Свейский срете его, и приа его с честию, он же посла по княгыню в Колывань, и тамо за морем князь Андрей в Свейской земле убиень бысть. А Татарове Неврюевы взяша Переяславль, и яша княгыню Ярославлю и з детми, и паки убиша ю, а дети в полон поведоша, и Жидислава воеводу убиша».

Тв.сб. С.396-397.
«В лето 6764 (1256/57 г.). Поихали вси князи Суздалскыи в Татары, и чтив Уланчиа и вся воеводы его, възвратишася в своаси.
Тои же зимы (прииде) Глеб от Кановичь, и женися в Татарех. Тоя же зыми приидоша из Орды от царя численици на Рускую землю, и изочтоша всю землю Рускую, изьставиша десятникы, сотники, тясящникы; толко не чтоша игуменовь, и поповь и черньцов, кто служит святым церквам. Се все бысть на Рускую землю грех ради наших. И не наведи, Господи, гнева противу делом нашим; но (по) милости твоей спаси ны, человеколюбче благый Господи!».

Тв.сб. С.400-401.
«В лето 6765 (1257 г.). Приде весть из Руси зла, яко хотять Татарове тамгы и десятины на Новегороде; и смятошася люди чересъ все лето.
Тои же зимы приехаша послы татарьскыи с Олександромь, а Василии побеже в Пльсковъ; и почаша просити послы десятины тамгы, не яшася новгородьци по то, даша дары цесареви, и отпу- стиша я с миромь; а князь Олександр выгна сына своего из Пльскова и посла в Низъ, а Александра и дружину его казни: овому носа урезаша, а иному очи выимаша, кто Василья на зло повел; всяко бо злыи зле да погыбнеть».
«В лето 6767 (1259 г.). .. .приеха Михаило Пинещиничь из Низу со лживымь посольствомь, река тако: «Аже не иметеся по число, то уже полкы на Низовьскои земли»; и яшася новгородци по число. Тои же зимы приехаша оканьнии Татарове сыроядци Беркаи и Касачик с женами своими, и инех много; и бысть мятежь велик в Новегороде, и по волости много зла учиниша, беруче туску окань- ным Татаром. И нача оканьныи боятися смерти, рече Олександру: «Даи нам сторожи ать не из- бьють нас». И повеле князь стеречи их сыну посадничю и всем детем боярьскым по ночем. И реша Татарове: «Даите нам число, или бежим проче»; и чернь не хотеша дати числа, но реша: «Умрем честно за святую Софью и за домы ангельскыя». Тогда издвоишася люди: кто добрых, тот по святои Софьи и по правои вере; и створиша супор: вятшии велятся яти меншим по числу. И хоте оканьныи побежати, гоним Святымь Духомь; и умыслиша свет зол, како ударити на город на ону сторону, а друзии озером на сю сторону; и възъбрани им видимо сила Христова, ине смеша. И убоявшеся, почаша ся возити на одину сторону к святои Софьи, рекуще: «Положим главы своя у святои Софьи». И бысть заутра, съеха князь с Городища, и оканьнии Татарове с нимь; и злых светомь яшася по число: творяху бо бояре собе легко, а меншим зло. И почаша ездити оканьнии по улицам, пишюче домы христьяньскыя: зане навел Бог за грехы наша ис пустыня звери дивияя ясти силных плети и пити кровь боярьскую, и отъехаша оканьнии, вземше число, а князь Олександр поеха после, посадив сына своего Дмитрия на столе. Того же лета, на канун Бориша дни, бысть мраз велик по волости, но Господь не хотя места сего святои Софьи оставити пуста, отврати ярость Свою от нас и призре окомь милосердия Своего, кажа нас на покаяние; но мы грешнии акы пси обращаемъся на своя бльвотины, не помышляюще казни Божия, яже на ны приходить за грехы наша».

Н1л. С.82-83.
«В лето 6770 (1262 г.). Избави Бог от лютаго томленья бесурменьскаяго люди Ростовьския земля, вложи ярость в сердца крестьяном, не терпяще насилья поганых. Изволиша вечь и выгнаша из городов: из Ростовы, из Володимеря, ис Суждаля, из Ярославля. Окупахуть бо ти оканьнии бесурмене дани и от того велику пагубу людем творяхуть, роботяще резы и многы души крестьянскыя раздно ведоша. Видев- ше же человеколюбець Бог, послуша моленья Материя, избави люди своя от великыя беды. Том лете оубиша Изосиму преступника, то бе мних образомь, точью сотоне съсуд; бе бо пьяница, и студосло- вець, празднословець, и кощюньник, конечное же отвержеся Христа и бысть бесурменин, вступив в прелесть лжаго пророка Ма(х)меда. Бе бо тогда титям приехал от царя Татарского именем Кутлубии зо сыи бесурменин, того поспехом оканныи лишеник, творящее христианом велику досаду, кресту и святым церквам поругаася. Егда же люди на врагы своя двигшася на бесурмены, изгнаша иных избиша, тогда и сего безаконного Зосиму оубиша в городе Ярославли, бе тело его ядь псом и вороном».

Лл. Стб. 476.
«В лето 6777 (1269 г.) Придоша Немци в силе велице под Пльсков в неделю на Всех святых, и приступиша к городу, и не успеша ничтоже, но большюю рану въсприяша, и стояша 10 дни. Новгородци же с дех поехаша вборзе; и яко уведаша Немци новгородьскыи полк, побегоша за реку. Новгородци же приехаша в Пльсков, и взяша мир чрес реку на всеи воли новгородьскои. Тое же лета приеха князь Ярослав в Новъгород, и нача жалити: «мужи мои и братья моя и вша побита; а вы розъратилися с Немци» .Новгородци же сташа за них; князь же хоте из города ехати. Новгородци же кляняхуся ему: «княже, тем гнева отдаи, а от нас не езди»; еще бо не добре ся бяху умирили с Немци. Князь же того не послуша и поеха прочее. И послаша владыку с вятшими мужи с молбою, и въспятиша и с Броньници. Тогда же Даша тысячьское Ратибору Клуксовичю по княжи воли. Того же лета, на зиму, князь Ярослав, с новгородци сдумав, посла на Низовьскую землю Святъслава полков копить, и совкупи всех князи и полку бещисла и приде в Новгород; и бяше ту баскак велик володимирьскыи, именем Амраган, и хотеша ити к Колываню. И увидевшее Немци, прислаша послы с молбою: «кланяемся на всеи воли вашеи, Норовы всеи отступаемся, а крови не проливаи- те»; и тако новгородци, гадавшее, взяша мир на всеи воли своеи».

Н1л. С.87-88.
«В лето 6789 (1281 г.) Рать бысть на князя Дмитеа Татарьскаа: Ковадыи и Алчедан, пришед к Переяславлю, князя не обретоши, град и церкве пожгоша и села Переяславьскаа и Ростовьскаа пограбиша.
В лето 6790 (1282 г.). Князь Андреи Александровичь с Сменом Толигневичем цареви би челом на брата на своего Дмитрея, и въздвигну рать Татарьскую, и взяша Переяславль на щит; а князь Дмит- реи выступи с мужи своими и с двором своим, и поеха мимо Новъгорода, хотя в Копрорью.
Другая рать бысть на дмитреа: Тоуратемер и Алын, всю приведе Андреи на своего брата, а с ними Смен Тольевичь. Князь Дмитреи иде к Ногоую царю в Орду.
Того же лета прииде из Орды князь Дмитреи от царя Ногоуя и смирися с братом своим, с князем Аньдреем, а Смена оубиша».

НГУл. С.244—245.
«В лето 6791 (1283 г.) .. .Того же лета прииде князь велики Дмитрии Александровичь из Орды и сирися с братом своим князем Андреем.
Того же лета учинися зло в княжении Русскои области. Безсерменин Ахъмат бачьманство держа Курскаго княжения и откупаше у Татар всяку дань и тем многу досаду князем и людям; еще и наряди две свободы в отчине Олга, князя Рылскаго, и насилие много творяше людем около Воргола и Рыльскаго. Князь же Олег о семь идее ко царю Телебузи по слову сродник своих Святославом, князем Литовским. Царь же Телебуга дасть пристава князем князю Олгу, и веля свободы те разгра- бити. И пришед Олег ис Татар и Святослав, повеле разграбити обе свободы. Ахмат в ту пору у Ногая царя; и слыша Ахмат свободы разграблены и оклевета Олга и Святослава, глаголя царю: «Олга и Святослава не князя, но разбоиника, и на тебя царю зло мыслят, аще хощешь испытать, то пошли к ним своя посолники, да ловят с ними лебеди да идет к тебе, аще не идет к к тебе, то ти есть ратен». Князь Олег не сме ехать к Ногою; царь же Ногои разгневася, даст рать на Олга и веле его изымать, а княжение его взял все. И приидоша Татарове ко городу Ворголу месяца генваря 13 день. Князь Олег бежа ко Телебузи царю, а Святослав бежа в лесы взяша 13 болших, и свободу тем наполниша опять людми. И выдаша бояр тех Ахмуту, он же изби их, Ахмат оставя два брата своя на свободах тех. <. .>
В лето 6792 (1284 г.). .Того же лета идоста два безсерменина и свободы во свободу, а с ними Руси болши 30 человек; князь Святослав удари на них разбоем и уби Руси 25 человек, а те два брата утекоста, также разбегошася обе свободы.
Того же лета прииде Олег ис Татары и посла ко Святославу, глаголя: «о чем еси возложил разбо- иничество на себе и на мене, а ко царю с мною не шол, а ходити было с мною с единои думы, а то мя Бог с тобою росправит». Святослав глаголя: «своих ворогов избих». Того же лета прииде Олег с Татары на Святослава и уби Святослава, и посеем князь Александр, брат Ярославль, и уби князя Олга и два сына его».

Вл. С.97.
«В лето 6798 (1290 г.). Бысть знамение в Луне: аки кровава и потом приложися в тьму. Тогда же заратися Татарове, Тохта с Телебугою и с Агуем, и пособье бысть Токтеи. <. .>
В лето 6799 (1291 г.) .Ногуи царь оуби Телебоугоу царя и Алгоуя.
В лето 6801 (1293 г.) .О Дюденеве рати. Князи приидоша из Орды, Андреи Александровичь, Феодор, Дмитреи с Костянтином; а с ними прииде рать Татарьскаа, царь Дюдень, на князя Дмитреа Александровича, кьнязь же отъеха Плесковоу. Татарове же взяша Володимерь, Переяслав, Москву, Волок, всех взяша 14 градов, и много зла сътворися в Роускои земли, и крестьян посекоша, а иных плениша. Новгородци послаша к царю Дюденю на Волок Смена Климовича с дары; князь же Андреи слышав брата своего в Плескове, и идее в Новгород, а рать Татарьскаа възвратися в свою землю».

НГУл. С.248.

«Того же лета (6822/1314 г.) .приеха Федор Ржевьскыи в Новъгород от князя Юрья с Москвы, и изъима наместникы Михаиловы, и держаша их в владычни дворе, а новгородци с княземь Федоромь поидоша на Волгу; и выиде князь Дмитрии Михаилович со Тфери и ста об ону сторону Волгы, и тако стояша и до замороза, а Михаилу князю тогда сущю в Орде. Посемь докончаша с Дмитриемь мир, и оттоле послаша по князя Юрья на Москву, на всеи воли новгородскои; а сами възвратишася в Новъгород. Тои же зимы, пред великымь заговениемь, приеха князь Юрьи в Новгород на сто с братом Афанасьемь; и ради быша новгородци своему хотению. <. .>
В лето 6823 (1315 г.). Поиде князь великыи Юрьи из Новагорода, позван в Орду от цесаря, марта 15, в суботу Лазореву, оставив в Новегороде брата своего Афанасья. Того же лета поиде князь Михаило из Орды в Русь, ведыи с собою Татары, оканьнаго Таитемеря. Услышавше же новгородци с княземь Афанасьемь, изидоша к Торжку и пребыша ту с 6 недель, весть переимаюче. Тогда же поиде князь Михаило со всею Низовьскою землею и с Татары к Торжку; новгородци же с княземь Афанасьемь и с новоторжци изидоша противу на поле. Бысть же то попущениемь Божиемь: съступившема бо ся полкома обема, бысть сеча зла, и створися немало зла, избиша много добрых муж и бояр новгородскых .а инии останок вбегоша в город и затворишася в городе с княземь Афанасьемь. И присла князь Михаило к новгородцем в Торжек: «Выда- ите ми князя Афанасья и Федора Жревьского, а яз с вами мир докончаю». И рекоша новгородци: «Не выдаем Афанасья, но измрем вси честно за святую Софью». И присла князь Михаило опять: «Выдаите ми Федора Жревьского»; и не хотевши выдати, по неволи выдаша его, и на собе докончаша 50 000 гривен серебра, и докончаша мир и крест целоваша. И по миру князь Михаило призва к собе князя Афанасья и бояры новгородскыи, и изъима их, и посла на Т ферь в тали, а останок людии в городе нача продаяти, колико кого станеть, а снасть отъима у всех. А бои бысть мъсяца февраля 10, на святого мученика Харлампия. И посла князь Михаило наместникы своя в Новъгород, а посадничьство даша Семену Климовичю».

Н1л. С.94-95.

«В лето 6825 (1317 г.) Прииде князь Юрий из Орды, приведе с собою посла силна, именем Кавга- диа; и срете их князь великий Михаило у Костромы, а с ним вси князи Суздалстии, и стояша о Волгу долго время; и съслався с Кавгадиемь, съступися великаго княжениа князь великий Михайло Юрию князю, и поиде в свою отчину во Тверь, и заложи болший град кремль. <.. .>
Той же зыми Юрий князь с Кавгадыем и с всеми князи Суздалскыми прииде с Кострыми к Ростову, от Ростова к Переяславлю, и много зла творяху христианом; а ис Переяславля в Дмитров, а из Дмитрова в Клин. <. .>
А Юрий князь с Татары и со всею силою Суздалскую почаша воевати Тверскиа волости, села пожгоша и жито, а люди в плен поведоша, и приидоша близь к граду15 верст, и стоаша на месте том
5    недель а всего мотчали в Тверской отчине три месяци; и ездиша послове от Кав(га)дыа к великому князю Михаилу, а все с лестию, и не бысть межи ими мира. И поиде Кавгадый к Волзе, и Юрый князь, и вси князи Суздалстии, и сташа на переезде у Волги. Великий же князь Михайло съвокупися, и мужи Тверичи и Кашинци поидоша противу Юрию, а Юрий опльчися противу; и ступишася обои, и бысть сеча велика, и пособи Бог великому князю Михаилу Ярославичу, и много их избиша; а князи мно(ги) руками поимаша и приведоша вь Тверь, и княгыню Юрию Кончака, а Юрий князь бежа в Новгород Великий в мале дружины, а Кавгадый повеле дружине своей стяги поврещи, а сам поиде не люба а в стани. Се же зло бысть декабра в 22. Наутриа же великий князь видевся с Кавгадыем взят мир, и поят его в Тверь с своею дружиною; почтив его и отпусти.
Той же зыми кприиде князь Юрий с Новгородци кь Броду и изыиде противу ему великий князь Михайло, и взяша мир. Той же зыми великий князь Михайло посла сына своего Костантина в (О)рду.
В лето 6826 (1318 г.). Посла великий князь Михайло Олексу Марковича на Москву посолством о любви, и уби его Юрий князь.
Того же лета поиде в Орду князь Юрий Данилович с Кавгадеем. .Дошедшу же Орды князь Юрию, а с ним началнику всего зла, беззаконному и проклятому Кагадию, наставляеми Диаволом, начаша, вадити на великого князя Михаила беззаконному царю Озбяку, глаголющее: «князь Михайло, събрав по градом многы дани, хощет ити в Немци, а (к) тобе ему не бывати». Разгнева же ся царь, повеле сына его, князя Костантина, гладом морити; и затвориша его в единой храмине. Сему же бывшу, неции рекоша ко цареви: «аще его убиеши, отцу его не бывати к тобе». И повеле его пустити».

Тв.сб. С.410-411.
«В лето 6826 (1317 г.) .Того же лета выиде князь великыи Юрьи из Орды с Татары и со всею Низовьсккю землею. И поиде ко Тфери на князя Михаила. И, прислав Телебугу, позва новгородци; и они, приехавшее в Торжок, и докончаша с князем Михаиломь, како не въступатися ни по одномь: понеже не ведаху князя Юрья, с полкы близь Тфери за 40 верст, и ту выиде на нь князь Михаило со Тфери, и съступишася, и бысть сеча зла, много паде голов о князи Юрьи; а брата его Бориса и княгыню Юрьеву Яша и приведоша во Тфер, тамо ю и смерти предаша; а сам прибежа в Новъгород, и позвановгородцев с собою, и идоша с ним всь Новгород и Пльсков, поимше владыку Давыда с собою; и пришедшее на Волгу, и докончаша с Михаилом княземь мир, како ити в Орду обема, а брата Юрьеваи княгыню пустити. И приидоша новгородци вси в Новгород, весне сущи; а князь Юрьи идее на Москву и оттоле в Орду.
В лето 6827 (1318 г.) Уби цесарь в Орде князя Тферьского Михаила, а великое княжение дасть Юрью. <...>».

Материал подготовил: Искандер Измайлов
Источник: «История татар с древнейших времён в семи томах. Том III. Улус Джучи (Золотая Орда). XIII – середина XV в.»