«Того же лета, на Успенье святыя Богородица, князь Александр Михайловичь изби Татаръ много во Тфери»

Н1л. С.95-96.

«Лета 6827 (1318 г.) Убиение великого князя Михаила Ярославича тферьскаго в Ворде от царя Азбяка... В Орде седел .царь именем Азбяк, поиде в богомерзкую веру срачиньскую, и оттоле наипаче не пощади нача роду крестьянскаго. <.>

И еже се бысть за наша согрешения. Но мы бывшее възг(лаго)лем. И оттле нача бытии вражда межи кн(я)зема Сима, аще бо и створяста многажды мир межи собя, но враг наш, всепагубныи дьявол, пакы рать вздвигаюше, и пакы бывшима великима кн(я)зема в Орде, и бывша пре велице межи има. И оставиша великого кн(я)зя Юрья Даниловича у себя в Орде, а великого же кн(я)зя Михаила отпустиша на Русь. И минувшу лету и пакы безаконнии измалтяне сущее мьздоимьства, его же желааше, и вземше много серебра, и Даша великое кн(я)ж(е)ние великому кн(я)зю Юрью Даниловичю, и отпустиша с ним на Русь единаго от кн(я)зь своих, безаконнаго и треклятого Кавга- дыя. Бл(а)женыи же велики кн(я)зь Михаило срете его с полкы своими и посла к кн(я)зю великому Юрью Даниловичю, рек тако: «Брате, аже дал ц(а)рь тобе великое княжение, то и аз отступаюся тобе, княжи на великом кнженьи, но в мою опришнину не въступаися. Роспусти вся воя своя и поиде в свою вотчину с домочадци своими». Ипакы дьявол не престающее желая кровопролития, и еже и створися за грехы наша, прииде бо велики кн(я)зь Юрьи Данилович ратью к Тфери, совокупив всю землю Низовьскую, и с кровопивцем Кавгадыем, и множество татар и бесермен, и мордвы, и начаша горо жещи и многа села. И бысть туга немала, имающа мужа и мучаща различными мука¬ми и см(е)рти предаяху, а жены их оскверниша погании, пожгоша всю власть Тферьскую и до Волгы, и поидоша на другую страну Волгы, и по тои стороне хотя то же сътворити. <. .>

Блажньныи же князь велики Михаило .утвердившееся ч(е)стным кр(е)стом и поиде противу ратным, и яко быша близь собя, и бысть видети ратных бесчисленное множество. И яко Съступиша- ся полцы, и бысть сеча велика, не могущее брани носити, вдаша противни плещи свои .и победи бл(а)говерныи велики князь Михаил и бысть видети бесчисленное множество ратных, падающее язвени под кони, яко снопы в жатву на ниве.
Велики же кн(я)зь Юрьи Данилович виде многы падающее воя его язвени и от(ъ)еха в Тожеск с малым ратных, и оттоле еха в велики Новгород. А окааннаго же Кавгадыя с другы его не повеле велики кн(я)зь Михаил избивати. <.>

Юрьи Данилович совокупив множество новгородцев и пьскович и поиде к Тфери. И срете его бл(а)говерныи велики кн(я)зь Михаило противу Синеевьскаго, и пакы не хотя видети другаго крово¬пролития за толь малы дни, умирившееся. И рече .великии кн(я)зь Михаило: «Поидем, брате, оба в Орду, жалуемся вместе ц(а)рю, абы ны чем помочи крестьяном сим».

Велики же кн(я)зь Юрьи Данилович пакы соимся с Кавгадыем, и поидоста наперед в Орду, поимши с собою все кн(я)зи низовьскые и бояре с городов и от Новагорода по повелению окаанна- го Кавгадыя, и написаша многалжасвидетельства на .великого кн(я)зя Михаила.

Велики же князь Михаил посла в Орду сына своего князя Костянтина, а сам после его в орду же поиде, благословяся у епископа своего Варсунофия и от игуменов, и от попов, и у отца своего духовнаго игумена Ивана последнее исповедание сотвори на реци на Нерли, на мног час очищая душу свою, глаголаше: «Аз, отче, аще много мыслив, како бы ны пособити крестьяном сим, но и моих ради грехов множаишая тягота съворяется в наю разности. Ныне же, отче, благословите мя, аще ли случится, пролию кровь свою за них, да негли бы ми Господь отдал грехов, аще сеи крестьяне се сколько почиют». И еже и бысть молитвою его. <.>

Он же поиде к Володимерю, а с ним сына его князь Дмитрии и князь Александр, и бывшу ему в Володимери, и се приеха посол от царя из Орды именем Ахмыл, глаголя: Зовеь тя царь, поиде вборзе, буди за месяць. Аще ли не будеши, то уже воимянова на тя рать и на твои городы. Обадил тя есть ко царю Кавгадыи, глаголя: «Не бывати ему в Орде». Думаша же бояре его, ркуще: «Се сын твои в Орде. Аще другаго пошли». Та же сына его глаголаста ему: «Господине, драгыи отче, не езди в орду сам, наю котораго пошли, аще въсхощеши, занеже обажен еси ко царю, дондеже минеть гнев его». Крепким ж умом исполнен смирения глаголаше; «Видете, чада мои, яко не требует вас царь, детьи моих, ни иного которого, разве меня, но моея главы хощет. Аще бо аз сде уклонюся, то отчина моя вся в полонубудеть, и множество крестьян избьени будуть. Аще ли после того умерети же ми есть, то луче ми есть ныне положити душу свою за многыя душа». <.>

Дошедшю же ему в орду месяца семьтябрия в 6 день .и ту срете его сын, его князь Костянтин, царь же дасть ему пристава, не дадущу никому же его обидети, се умякнуша исперва словеса их паче олея, и та бо ныне быша стрелы. И егда же одари все князи ординьскыя и царици, после же и самого царя, и бывшю ему в Орде полтора месяца. И рече царь князем своим: «Что миестя молвили на князя Михаила, створите има суд с князем великим московскым Юрьем Даниловичем, да котораго правду скажете мне, того хочю жаловати, а виноватого казни предати». А не веси окаание, еже еси своею казнью сплелъ ему венець пресветел. В един день собрашася все князи ординстии в едину вежу цареву двор и покладааху многы грамоты с многым замышлением на велнкаго князя Михаила, глаголющее: «Многы дани поймал еси на городех наших, царю же не далеси». Истинный же Христов страдалець Михаило, любя правду, глаголя истину, с всякою неправдою обличааше лжи их сведетельства, о таковых судьях речено бысть: «Поставлю властеля ругателя их, судию немилующих». Сии бо бяше нечестивыи Кавгадыи сам судья, тоже и сутяжаи, тои же лжи послух бывааше, покрывааше лжу свою истинная словеса великаго князя Михаила, изрече много замышления вины на непорочнаго Христова воина, а свою страну оправдая.

И пакы минувшеи единои недели по суде том, в день суботныи от нечестивых Изиде повелением беззаконно, поставиша его на другом суде связана, блаженнаго князя великаго Михаила, износяще ему неправедное осуждение: «Царевы дани не давал еси, противу посла бился еси, а княгиню великаго князя Юрья уморил еси». Благоверныи же велики князь Михаиле с многымъ сведетельством глагола- ше» «Колико скровищь своих издаял есмь цареви и князем, все бо исписано имеяше, а послы пакы избавих на брани и с новою честью отпустих его». А про княгиню, Бога послуха призывааше, глаголя: «Яко ни на мысли ми того творити». Они же безаконии по глаголющему пророку: «Уши имуть, не слышать правды, и уста тимуть, глаголють истинны, очиима да не видять, ослепи бо язва их». И не вмениша себе нимала словеси преподобнаго, но реша в собе: «Понзы узами стяжем его и смертьюне- лепотною осудим его, яко неключим есть нам и непоследуеть нравом нашим». Яко же бо въсхотеша, то и створиша, в настоящую убо нощь преставиша от семи князеи семь Сторожев и иных немало и покладаху пред блаженным многыя ужа железныя, хотящее отягчаати нозии его, и вземши от порт его и поделишася. В ту нощь мало отпустиша ему от уз железных, но связана тако пребысть всю нощь. Тое же нощи отгнаша от него вся бояре его и слуги, силно бьющи, и отца его духовнаго игумена Алексан¬дра, и оста един в руку их, глаголаше бо в себе: «Удалиша от мене дружину мою и знаемыя от страсти».

Наутрия же в неделю повелением безаконых възложиша колоду велику от тяшка древа на выю святого и прообразующе ему поносную муку... Повеле безбожнии вести после царя, бяше бо пошел на ловы. <. .>

Минувшим же днем 20 и 4-м святому в неизреченном том терпеньи, нечестивыи же Кавгадыи имея яд аспиден под устами своими и пакы досажая душу терпеливаго великого князя Михаила, и повеле его привести в торг в такои укоризне, созва вся заимодавца, и повеле святого поставити на колену пред собою. И величаашеся безаконныи, яко власть имы на праведном, и много словеса изорче досадна праведному, и по сем рече: «Ведая буди, Михаиле, так царев обычаи, аже будеть ему на кого гнев, хотя и от своего племени, ти таково же въскладаютъ древо на него, егда же гнев его минетъ, и пакы в первую честь въводить его. Утру бо или в предгрядущии день тягота си отъидеть от тебе, и в болшии чести будеши». <. .>

Бывьше же блаженному и великому князю в неизречениемь том томленьи и тяготе дни 26 за рекою Тереком на реце на Сеньце под городом Тетяковым, минувшее все горы высокие Ясьскые и Черькаскыя близь Ворт Железных. В среду рану .в от час един ото отрок его, въскочив в вежу обледившим лицеем и измолкъним голосом: «Господине княже, едет уже ото Орды Кавгадыи и велики князь Юрьи с множеством народа прямо твоеи вежи». Он же наборзе въстав и въздохнув, и рече: «Ведаю на что едут, а убиение мое». <. .>

Кавгадыи и велики князь Юрьи послаша убиици, а сами съседше с конь в торгу, близь бо бяше торгу, яко каменеем верече. Убиици же, яко дивие зверье, немилостивии кровопивци, разгнавше блаженнаго все люди его и въскочивъше в вежу, обретоша его стояща и тако похвативше его за дерево, иже на выи его, и удариша им силно, и възломиша и на стену, и проломися вежа. Он же пакы въскочи, и тако мнози имше его и повергоша на земли, и бьяху и пятами нещадно. И се един ото безаконых именем Романець и извлек велики ножь, и удари и святого в десную страну, и обращая ножь семо и овамо, и отреза честное сердце его. И тако предасть святую и блаженную душю свою в руце Господни месяца ноябрия в 22 день в среду в 7 час дне. <. .>

Вежу же блаженнаго разграбиша Русь и татарове, а честное тело его повергоша наго никим же не брегомо. Един же приеха в торг и рече: «Се уже повеленое вами сътворихом». Кавгадыи же и велики князь Юрьи приехаша въскоре над тело его. Кавгадыи же виде тело наго повержено и г(лаго)- ла с яростию, рка к великому кн(я)зю Юрью: «Не брат ли ти стареишии как отець кн(я)зь велики? Да чему тако лежит тело его наго повержено?». Велики же кн(я)зь повеле своим покрытии тело его котыгою своею, юже ношаше, и положиша его на велице дьске, и възложиша и на телегу, и увиша и ужи крепко, и повезоша и за реку, рекомую Аджь, еже зовется горесть. <. .>

А бояре его и слугы не мнози гонъзнуша рук их, и еже деръзнули убежати в Орду ко царице, а иных изъимаша, влечахуть нагих, терзающее нещадно, акы некыя злодея, и приведшее в станы своя, и утвердиша я во оковех. Сами же князи и бояре в одинои вежи пьяху вино, повествующее, кто какову вину изрече на святого. <. .>

И оттоле посла тело бл(а)ж(ен)наго во Моджьчары с своими бояры ...
И оттоле повезоша его к Безъдежу. И яко приблизившися им к граду ...
И оттоле повезоша его в Русь, везущим по городом по рускым, и довезъши Москвы, и положи- ша в церкви святого великаго Спаса в монастыри».

С1л. Стб. 375-396.

«В лето 6828 (1320 г.) на весне приездил в Кашин Гаяпчар Татарин с Жидовином должником, много тягости оучинили Кашину».

Рог. С.41.

«В лето 6833 (1324 г.) поиде в Орду князь вилелики Дмитреи Михаиловичь. Тое же зимы в Филипово говенье, месаца ноября в 21, на память честнаго Введениа святеи Богородици, князь Дмитреи Михаиловичь Тферскии, в Орде убил князя великаго Юрья Даниловичя, и превезоша тело его на Москву и положиша его в церкви святого Михаила».

Сим. С.89.

«В лето 6834 (1325 г.) сеп(тября) 15 оубиша в орде два князя Дмитриа Михаиловича Т ферскаго да князя Александра Новосилскаго, единаго дни на едином месте на реце, нарицаееи Кондраклии».

Рог. С.41.

«В лето 6835 (1327 г.). .Того же лета, на Успенье святыя Богородица, князь Александр Михайловичь изби Татаръ много во Тфери и по иным городом, и торговци гость хопыльскыи исече: пришел бо бяше посол силен из Орды, именем Шевкалъ, с множеством Татаръ. И прислал князь Олександр послы к новгородцем, хотя бечи в Новъгород, и не прияша его. Того же лета присла князь Иван Даниловичь наместникы своя в Новгород, а сам идее в Орду. На ту же зиму приде рать татарьская множество много, и взяша Тферь и Кашин и Новоторжьскую волость, и просто реши всю землю Русскую положиша пусту, толко Новъгород ублюде Бог и святая София. А князь Олександр вбежа в Пльсков; а Костянтин, брат его, и Василии в Ладогу; и в Новъгород прислаша послы Татарове, и Даша им новгородци 2 000 серебра, и свои послы послаша с ними к воеводам с множествомь даров. Убиша же тогда Татарове Ивана, князя Рязаньского. <...>».

Н1л. С.98.

«В лето 6835 (1327 г.) .Того же лета приеха посол силен из Орды Щелкан с множеством Татар на Тферь, и великое насилье начаша творити, а князя Александра и братью его хотящее побитии, а Щелкан хотя сести в тфери на княжении, а иноую князю свою посажати по иным градем Русским, хотящее привести крестьяны в бесерменьскоую веру. И съзва князь Т ферици и поиде на Щелкана, рек тако: «не аз почал избивати, но он: пролья кровь праведноу, егда мне се же сътворить?» и поидоша на них. Они же, слышавшее Александра на ся ратью, изидоша противу им, и съступишася въсходящю солнцю, и бишася чрес всь день, и оуже к вечерю одоле князь Александр, а Щелкан побеже на сени; и Олександр зажже отца своего двор, а Щелкан с дружиною своею сгорев, пропаде; а победища их на Оуспение святыа Богородица, и гость их Хопыльскии всь изсекоша. Поиде Иван Даниловичь в Орду, а на зиму прииде из Орды ратью на Русь 5 темников да с ними князь Иван Даниловичь, и плени град Тферь, и всеи земли много зла створися; а князь Александр бежа в Псков».

ШУл. С. 261.

«В лето 6835 (1327 г.) .Тое же осени князь Иван Даниловичь Московскии в Орду пошел. Тое же зимы и на Русь пришел из Орды; и бысть тогда великая рать Татарская, Федорчюк, Туралык, Сюга, 5 темников воевод, а с ними князь Иван Даниловичь Московскии, по повелению цареву, и шед ратью, плениша Тферь и Кашин и прочии городы и волости, села и все княжение Т ферское взяша и пусто сътвориша, и бысть тогда земли великая тягость и много томлениа, множества ради грех наших, кровь хретианская проливаема бываше от поганых Татар, овых в полон поведоша, а другиа мечи изсекоша, а иныа стрелами истреляше и всяким оружием погубиша и смерти предаша, а князь Александр побежал с Тфери в Псков.

<.> Того же лета убиша князя Ивана Ярославичя Рязанскаго. Великий же Спас милостивыи человеколюбец Господь своею милостию заступил благовернаго князя нашего Ивана Даниловичя и его ради Москву и всю его отчину от иноплеменник от поганых Татар.

В лето 6836 седе князь велики Иван Даниловичь на великом княжении всеа Руси, и бысть оттоле тишина велика на 40 лет и престаша погани воевать Русскую землю и закалати христиан, и отдохну- ша и починуша христиане от великиа истомы и многыа тягости, от насилиа Татарскаго, и бысть оттоле тишина велика по всеи земли».

Сим. С.90.

«В лето 6836 (1328 г.). Ходи князь великии Иван Даниловичь и Костянтин Михаиловичь, и Новгород- ци от себе послаша Феодора Колесницю, в Орду к цареви; и отпусти а царь Озбяк, и повеле искати князя Александра. И посла князь Иван свои послы, а Новгородци от себе Моисеа владыкоу и Авраама тысячкого к князю Александроу в Псков, веляще ему, паки шел бы в орду, и не послуша их. Седе князь Иван Даниловичь на великом княжении, и бысть тишина велика крестьяном по всеи земли Рускои».

НГУл. С.261-262.

«В лето 6838 (1330 г.). .. .Заложи оканныи враг дьявол в сердце княземь Роускимь взыскати князя Александра, повелением окааннаго царя Озбяка; подъяша всю землю Русскоую. И приеха князь Иван Даниловичь в Новгород, бяху же с ним Тферьскии князи: Костянтин, Василей, Александр Суздальс- кии, и подъяша Новгородцев; и посла болярина своего Луку Протасьева, а Новгородци от себе Мои- сеа владыку и Авраама тысячкого, и послаша в Псков, рекше Александру: «Поиди в орду, не погоуби крестьян от поганых». Отвеща Александр: «Се и тако ли им любо? Погании Тферь взяша, а люди овых плениша, овых мечи иссекоша, а иных ножи изрезаша», сжалився, въсхоте ехати в рдоу, сице глаголя пакы: «един аз да оумру за вся крестьяны». И ркоша ему Псковици: «не езди, господине, в орду; аще что боудет на тобе, изомрем с тобою в едином месте». И поиде князь Иван с всими князи и с Новгород- ци на Псковице ратью и ста в Опоке, и оуведав, что не выняти Александра ни выгнати ратью, и намолви митрофолита Феогнаста; и посла митрофолит проклятие и отлучение на Александра и на Псков. И рече Псковицам: «братиа и друзи мои, не буди на вас проклятьа но отлучение мене ради; еду из города вашего вон; не боуди крестьнаго целованиа на мене, ни моего на вас», и отъеха в Литву. И Плесковици к князю Ивану и к Новгородцем прислаша послы с челобитием в Опокоу, и смиришася».

НГУл. С.262-263.

«В лето 6848 (1340 г.). <. .>

Той же, декабря 29, убиша в Орде князя Александра Михаиловича и сына его Феодора, призвал бо их царь Озбяк, с лестью рек: «хощеть вас царь жаловати»; онем же послоушавшим поганаго лестных словес, приемша тамо горкую и нужную смерть.

Тои же зимы выиде из Орды Товлюбии, отпущен царем к городу Смоленьску ратью Татарьскою, с ним князь Иван Коротополый, и приидоша в Переаславль Рязаньски. А князь Проньскии Александр Михаиловичь пошел в орду к цареви с выходом, и оустрете го Коротопол, имя и грабил, а самого веде в Рязаньскии Переяславль, и тоу оубьен от своего брата Ивана, а рать поиде ис Переяславля ко Смо- леньскоу. А князь Иван Даниловичь послал же рать с Товлубьемь по повелению цареву: князя Костян- тина Васильевича Суздальского, Костянтина Ростовьскаго, Иоанна Ярославличь Юрьевского, Иоана Дрютьскаго, Феодора Фоминьскаго, а с ними воевода Александр Ивановичь, Феодора Онкифовича. И стоявше рать у Смоленьска немного днии, отступи вся прочь, а город не взяша; милостию Божиею и святеи Богородици сблюдеся вся рать Рускаа, ни чем же не вреждена бысть».

НГУл. С.270.

«В лето 6854 (1346 г.) .Казнь бысть в городи под восточною страною, в Ворнаце, в Сараи, в Хазьторокани и по иным странам: мор бысть на люди силен и на Бесермен, толма яко не мощно погребати их; яко преже казнь бысть на Египтян, тако и сих казни Бог».

НГУл. С.276.

«В лето 6857 (1349 г.). Прииде король Краковьскыи, и взя лестью землю Волыньскую, и много зла крестьяном сътвори, а церкви крестьяньскиа претвори на Латыньское богомерьское служение. Ходиша Новгородци и Двиняне на Мурманы. И князь Семион посла в Орду князя Феодора Глебови¬ча, а сним киличиех Федора Шюбачеева, Аминя; и вытягаша князеи Литовских, Михаила да Кория- да, да Семиона Свиловьскаго, Аикша; и приведени быша на Москву послом царевым Тотоуемь».

НГУл. С.279.

Подготовил: Искандер Измайлов
Источник: История татар с древнейших времён в семи томах.
Том III. Улус Джучи (Золотая Орда). XIII – середина XV в.