«Града гром пущаху, страшащее нашу рать, а друзии самострелныя стрелы пущаху, а инии выехаша на велбудех»

И пришла рать татарская

«В лето 6865 (1357 г.) Взя царь Жданибек Тиврижкое царство. Тое осени прииде на Русь посол из Орды силен именем Комак, и велика высть истома князем русским. И на ту зиму умре добрыи царь Жданибек, и седее на царстве сын его Бердибек, убив братов своих 12, оканным его предателем Товлубием. И тогды бысть в Ворде митрополит Алексеи и многу истому приим от татар, божиею помощью и пречистыя его матерее молитвою цел и здрав от насилиа поганых выиде на Русь».
«В лето 6868 (1360 г.) .Того же лета нвогородци взяша Жукотин и много безъсермен посекли, мужеи и жен».
«В лето 6868 (1360 г.) .Тое же зимы взведоша из Орды посла Жукотинцы о разбоиницех, и бысть всем князем съезд на Костроме, князь великии Дмитрии Костянтиновичь и брат его старшии Андреи Нижняго Новагорода, князь Костянтин Ростовскыи, и выдаша разбойников, а посла отпустиша в Орду».
«В лето 6868 (1360 г.) .Того же лета Анфал взял Жукотин и много бесермен посече. На ту зимоу князи жукотинские подъяша от царя три послы, стареиши Оурус, другии Каирбек, трети Алътынъ- беи и мног протор бысть и истома князем рускым».

Княжеский союз

«В лето 6868 (1360 г.) .Того же лета бысть в Ворде мятеж силен мнозии цари побьени быша и царицы, и царевичи, и рядци, иссекошася межди себе. <.> В лето 6869 (1361 г.) Князи рускыи пошли в Ворду к новому царю к Ходырю: великии князь Дмитрии Ивановичь да князь Ондреи Костянтинович, и брат его князь Дмитреи Костянтинович, князь Костянтин ростовьскыи, князь Михаило ярославскыи, и при них убиен бысть царь Хыдырь от своего сына Темирь-Хожина, а на 4 день седее на царстве, и на 7 день царства его темник его Мамаи замятне всем царством его, и бысть мятеж велик в Орде. А князь Андреи Костянтинович поиде из Орды в Русь, и на пути удари на него князь Рятикозь, и поможе Бог князю Андреи Костянтиновичу, цел и здрав прииде на Русь. А Темирь-Хозя побеже за Волгу и тамо убиен бысть. А князь Мамаи переде за Волгу на горнюю сторону, и Орда вся с ним, и царици, а иныи царь въста именем Килди-бек, и тот многых поби, а последи же и сам убиен бысть. А иныи князи сараискыи затворишася в Сараи, а царя у себе именующа Амурата, а Булат-Темирь князь ординьскы поимавсе городы по Волзе и улусы. И тогды в Ворде ограбиша князеи ростовьскых.
В лето 6870 (1362 г.) И князь великии Дмитрии Иванович и князь Дмитреи Костянтинович спершися межи собе о великом княженьи и послаша киличеев в орду, и вынесоша великое княжение от царя Мурата в великикому князю Дмитрию Ивановичу».
«В лето 6874 (1366 г.) .Того же лета проидоша из Новагорода из Великаго Волгою полтараста ушкуев, ноугородци разбоиници ушкуиници избиша Татар множество, Бесермен и Ормен в Нове- городе в Нижнем, множество людеи, мужеи и жен и детеи, и товар их безчислено весь пограбиша, а съсуды их, кербати и лодьи, и учаны, пабусы, и струги, то все посекоша, а сами отъидоша в Каму и проидоша в Каму и проидоша до Болгар, тако же творящее и воюющее».

Новый хан

«В лето 6874 (1366 г.) .Того же лета князь Ордынскы именем Боулактемер, прииде ратью Татарскою и пограби оуезд весь по Волзе, даже и до Соундовити, и села княжи Борисовы. Князь же Дмитрий Костянтиновичь с братом Борисом и з детми, собрав вои, поиде противу емоу. Он же оканный не ста на бой, но побежа за реку Пиану, и гонящи по нем, много Татар остаточных загонных избил, а инии мнози в реце Пиане истопоша, а Боулактемер в Орду бежа и тамо оубиен бысть от Азиза царя». 
«В лето 6877 (1369 г.) .Тои же осени шло Волгою 10 оушкуев, а инии шли Камою, и биша их под Болгары. В лето 6878 (1370 г.) двожды шли Новгородци Волгою и много зла сътвориша».
«В лето 6878 (1370 г.) Мамаи у собе в орде посадил царя другаго Мамант Салтан. . Того же лета князь Дмитреи Костянтиновичь Суждальскыи събра воя многи, посла брата своего князя Бориса и сына своего князя Василиа, со многими силами, а с ними и посол царев именем Ачихожа, посла я на Болгарскаго князя Осанна. Осанн же посла противу их с челобитием и с многими дары. Они же дары вземше, а на княженьи посадиша Салтана, Бакова сына, и възвратишася на Русь».

Смешались пушки, кони и верблюды

«В лето 6884 (1377 г.) .Тое же зимы князь велики Дмитреи Ивановичь посла князя Дмитреи Михаиловичя Волынского ратью на безбожныя Болгары, а князь Дмитреи Костянтиновичь Суждальскыи посла сына своего князя Василья и другаго сына своего князя Ивана, а с ним бояр и воевод и воя многи, и приидоша к Болгаром в великое говение, месяца марта в 16 день, в понеделник на вербнои недели. Погани же Бесерменове изыдоша из града, противу их, сташа на бои и начяша стреляти, а инии з града гром пущаху, страшащее нашу рать, а друзии самострелныя стрелы пущаху, а инии выехаша на велбудех, кони наши полошающе. Наши же никако же устрашающееся грозы их, но крепко противу сташа на бои и устремишася единодушно и скочиша на них; они же окааннии побегоша в град свои, а наши посла, бьючи, и убиша их Бесермен числом 70 и высла из города князь Болгарскыи Осанн и Маахматъ Салтанъ, и добиста челом князю великому и другому 2000 рублев, а воеводам и ратем 3000 рублев. Наши же възратишася, всю свою волю вземше, а даригу и таможника посадиша, а ссуды и села и зимници пожгоша, а люди посекоша и отъидоша с победою».
«В лето 6883 (1375 г.) .Коли князь Дмитрии был под Тферью, а в то время пришедшее Новгород- ци Великого Новагорода оушкуиници, 70 оушкуев, и стареишина беаше оу них Пркоп, а другыи Смолнан, и, пришедшее, взяша град Кострому. .и взяша град и пограбиша его до конца, и стоявшее в граде неделю целу, и всякого скровища изыскавшее изнесоша, и всяки товар изъобретше и поима- ша. Не все же товарно с собою попровадиша, но елико драгое и легчаишие, а прочее тяжкое излиш¬нее множаишее в Волгу меташа и глоубине предаша, а иное огнем пожгоша, и множество народа крестьяньскаго полониша, моужеи и жен и девиць, с собою провадиша, и отъидоша от Костромы. И шедшее на Низ по Волге, пограбиша Новгород Нижнеи, много всякого полона взяша и град зажго- ша. И поидоша на Низ и поверноуша в Каму, и тамо помедлиша неколико время. И потом внидоша Камою на Волгоу, и дошедшее на Низ по Волзе града Болгар, и тамо полон всь крестьяньскии попродаша Бесерменом, или Костромьскии или Нижняго Новагорода, жены и девици, и сами по- идоша в носадех по Волзе на Низ к Сараю, гости крестьяньскиа грабящее, а Бесермены бьющее. И доидоша на оусть Волгы, близ моря, града некоего Хазьторокана, и тамо избиша лестию Хазиторо- каньскии князь, именем Салчии; и таков си безь милости побьени быша, и ни един от них не остася, а имение их все взяше Безьсерменове; и такова бысть кончина Прокопу и дружине его».

Бегство за Пьянь и вмешательство Мордвы

«В лето 6885.. .В осень приидоша Мордва из невесть изгоном на уезд Нижнего Новагорода и много поплениша и пожгоша и много зла сътвориша. Идее за ними князь Борис Костянтиновичь и постиже их у реки Пияны, они же погани побегоша за реку Пияну, а останцы избиша, инии в реце истопоша».
«Того же лета перебежа из Синие Орды за Волгу некоторыи царевичь, именем Арапша, и въсхоте ити к Новугороду к Нижнему. Князь же Дмитреи Костянтиновичь посла весть к зятю своему к князю великому Дмитрею Ивановичю. Князь же великии Дмитреи събрав воя многы и прииде ратью к Новугороду к Нижнему в силе тяжце, и не бысть вести про царевича Арапшу и взвратися на Москву, а посла на них воеводы своя, а с ними рать Володимерскую, Переяславскую, Юрьевскую, Муромскую, Ярославскую; а князь Дмитреи Суждальскыи посла сына своего князя Ивана, да князя Семена Михаиловича, а с ними воеводы и воя многы, и бысть рать велика зело. И поидоша за реку за Пиану, и прииде к ним весть, поведаша им царевича Арапшу на Волчьи воде. Они же ополошишася и небреженьем хожаху, доспехи своя на телеги своя въскладоша, а ины в сумы, а иных сулицы еще не насажены бяху, а щиты и копья не приготовлены, а ездять порты своя с плечь спускав, а петли ростегав, аки роспрели: бяше бо им варно, бе бо в то время зноино. А где наехаху в зажитьи мед или пиво и испиваху до пьяна без меры, и ездять пъяни, по истине за Пьяною пьяни, а стареишины их или князи их или бояре стареишиа, велможи или воеводы, те вси поехаша ловы деюще, утеху си творящее мнящееся, аки дома. А в то время погани князи мордовьстии подведоша втаю рать татарскую из Мамаевы Орды на князеи наших, а князем нашим не ведущим, и про им вести не было, и доидоша наши Пару, абье погани борзо разделишася на 5 полков и внезапу из невести удариша на нашу рать в тыл, бьющее и колюще и секуще без вести. Наши же не успеша ничтоже, что бы им сътворити ,побегоша крепце ко пьянее, а Татарове после, бьющее, и ту убиша князя Семена Михаиловича, и множество бояр; князь же Иван Дмитреевичь прибегоша в оторопе к реце ко Пиане, гоним напрасно, и вержеся на коне в реку и ту утопе, и с ним истопоша в реце множество бояр и слуг, и народа безчислено. Ся же злоба здеяся месяца августа в 2 день. <.> Того же лета пришед прежереченныи царевичь Арапша, и пограби Засурье и огнем пожже».

Продолжение следует

Источник: История татар. Том III. Улус Джучи (Золотая Орда).
Автор: Искандер Измайлов
Подготовил для «Миллиард.Татар»: Владислав Безменов