«И ходиша рати татарьские въюючи даже до великаго Лучьскаго и много городов поплениша»

Гражданская война и посол от Тохтамыша 

А князь Володимер Андреевичь, сбрав воя многы около себе истояше ополчившееся близ Волока. И тамо неции Татарове наехаша на нь; он же прогна их от себе. Они же прибегоша к Тахтамышю царю пострашены и биты. Царь же, слышав, что князь велики на Костроме, а князь Володимер у Волока, поблюдаюшеся, чяя на себе наезда; того ради не много днии стояше у Москвы, но взем Москву, скоро отъиде. И оттоле идучи, отпусти рать к Коломне. И те шед взяша град Коломну и отъидоша. Царь же перевезеся за реку Оку и взять всю Рязаньскую землю, и огнем пожже, и люди посече, а полон поведе в Орду множество безчисленое. Князь же Олег Рязанскыи то виде, побеже.

Царь же, идучи от Рязани, отпусти посла своего посольством к князю Дмитрию Костянтиновичю, своего шурина, именем Шихмата, с его сыном вкупе, с князем Семеном, а другого сына его поят, князя Всилиа, с собою в Орду.

Отшедшим же Татаром и потом не по мнозех днех князь великии Дмитрии Ивановичь и брат его князь Володимер Андреевичь с своими бояры въехаша в свою отчину в град Москву, и видеша град взят и огнем пожжен, и церкви разорены, а людеи мертвых множество безчисленое лежащих, и о сем зело съжалишася, яко расплакатися има, и повеле телеса их мертвых трупиа хоронити, и даваста от 40 мертвець по полтине, а от 80 по рублю, и съчитоша того всего дано бысть полтараста рублев.

На ту же осень князь велики Дмитреи Иванович посла свою рать на князя Олга Рязаньскаго. Князь же Олег Рязанскыи не во мнозе дружине утече, а землю всю и до остатка взяша, и огнем пожгоша и пусту сътвориша, пуще ему стало и Татарьскои рати. Тое же осени к князю великому Дмитрею Ивановичю от царя Тахтамыша прииде посол, именем Карачь».

Изгнание Тохтамыша в Литву 

«В лето 6891 (1383 г.) .Тое же весны князь великии Дмитреи Ивановичь отпусти в Орду к царю Тахтамышю сына своего стареишаго князя Василиа из Володимеря, а с ним бояр стареиших и тамо пребысть 3 летца; идоша в судех по Волзе на низ». «В лето 6897 (1389 г.) .Того же лета князь Борис Костянтиновичь ходил в Орду, а в то время царь Тохтамышь пошел на воину ратью на Темирь Аксака; князь же Борис състиже его, и уверну его от места нарицаемого от Уруктана, и повеле ему без собе пребыти и дождати своего пришествия в Сараи, а сам шед воева землю Темиь Аксакову, и град его далии повоева, а самого не изможе доити и возвратися пакы в своя улус. <.>

Того же лета августа в 15 день Василеи Дмитриевичь седее на столе отца своего и деда и прадеда, а посажен быстьцаревым послом Шихматом». «В лето 6899 (1391 г.) .. .Того же лета Новгородци Новагорода Великаго да и Устюжане гражане выехаша в насадех и в юшкуех рекою Вяткою на Низ и взяша Жукотин, и пограбиша весь, и Казань, и паы выидоша на Волгу и пограбиша гостеи всех, и поидоша прочь». «В лето 6899 (1391 г.) .Того же лета царь Тахтамышь посла царевича Бектута на Вятку, а люди посече, а иные в полон поведе». «В лето 6903 Бои бысть царю Темирь-Кутлую с Тактамышом, и прогна Тактамыша в Литву, а сам седее на царстве».

Отобранное царство

«В лето 6906 (1398 г.) .Того же лета в радости велице бывшу царю Тахтамышу Болшиа Орды от съпротивных свободшуся и послы своя посылающу по всем странам, имя свое прославяющу и злато и сребро и дары многы емлющу и татар отвсюду к себе призывающу, Орду свою напреняющу понеже обить бысть и одоле зело от Темирь Аксака в мимошедшая лета и абие внезаапу прииде некоторыи царь именем Темирь-Кутлуи и прогна царя Тахтамыша и седее в Орде и в Сараи на царстве, а Тахтамышь съслался с Витофтом и бежа из Орды в Киев и с царицами да два сына с ним. <.>

В лето 6907 (1399 г.) .Князь Витофт Кестутьевичь Литовскии събрал воя многи, с ним же бе царь Тахтамыш с своим двором, а с Витофтом Литва, Немцы, Ляхи, Жемот, Татарове, Волохи, Подоляне, единых князеи с ним бе 50 числом, и бысть сила ратных велик зело. И с всеми плъкы и смногочис- леными ратми оплъчився, поиде на царя Темирь Кутлуя и на всю его силу татарьскую. Похвалився глаголаше бо Витофт: поидем и победим царя Темирь Кутлуя, взем царство его посадим на нем царя Тахтамыша, а сам сяду на Москве на великом княжении, на всеи Рускои земли.

Прежде бо того съверщашася Витофт с Тахтамышем, глаголя: аз тя посажу в Орде на царство, а ты мя посадишь на княженьи на великом на Москве, на всеи Рускои земли. И на том поидоша на царя Темирь Кутлуя. А царь Темирь Кутлуи в то время приспе с многими своими плъки ратными и с князьми своими ординьскими и с всею силою татарскою и сретошася с Витофтом обои в поли на реце на Ворскле и бысть им бои велик, месяца августа 12 день, надолзе же бьющимся, поможе Бог Татаром, и одоле царь Темирь Кутлуи, победи Витофта и всю силу литовьскую. И убеже Витофт в мале дружине, а Татарове погнаша по них секуше, а Тахтамыш царь бежа с бою того, много же пакости учини земли Литовскои.

Побиша же Татарове на том великом побоище много князеи литовьских и воевод и боар великих и христиан много и Литвы и Немець и Ляхов и иных люди многое множество бесчисленное паде тогда, а мало остася их. И поиде царь Темирь Кутлуи к Киеву и взя с него окуп 3000 рублев литовским серебром, а силу свою всю распусти воевати земли литовьские. И ходиша рати татарьские въюючи даже до великаго Лучьскаго и много городов поплениша и много стран повоеваша и много зла съворив Темирь Кутлуи земли Литовскои и отъиде в землю свою.

Туча стрел от рати Едигея

Се же имена князеи Литовьских, избитых тогда на бою том: князь Андреи Полотскии Олгердович, брат его Дмитреи Дьбрянский, князь Иван Дмитреевичь Кидырь, князь Андреи пасынок Дмитриев, кнзяь Иван Евлашковичь, князь Иван Борисовичь Киевскии, князь Глеб Святославичь Смоленскии, князь Лев Корьадовичь, князь Михаило Васильевичь, брат его князь Семен, кнзяь Михаило Подберескии, брат его князь Александр, князь Михаило Даниловичь, брат его князь Дмитреи, князь Феодор Патрекеевичь Велынскии, князь Ямант Тулуикович, князь Иван Юриевичь Белскии, князь Луспытко Краковски».

«В лето 6907 (1399 г.) .Поиде Витовт и Тахтамыш с всею силою Литовскою, и Немци, и Ляхове, Жемоть, Татарове, Волохи, Подоляне и двор Тахтамышев, и бе сила велми велика, и поиде на Те- мирь Кутлука. Похвалися (Витовт) Тахтамыша на Орде посадити, а самому на Москве сести, бе бо того деля и учинил таковую брань; Тахтамыш ему посули Москву и всю землю Русскую. И погани помыслиша всуе, о них же пророкь глаголеь: «Господь разоряет съветы языком». И в то время приспе Темир Кутлуй с многыми полкы ратными, и сретошася с Витовтом в поле на реце на Врьскле, и бе страшно видети в той час 2 силы великыа снимающееся, а наперед прииде

Едигей, и ударишася полци идущее, стрелы акы дождеваа туча обоих, от Ляхов самострелы, и начата Едигеа самострелы премогати Литва; и потом царъ прииде с великою силою, и обиде Витовта кругом, и подстреляше под ним кони, и бе брань крепка зело; и одоле царь Темир Кутлуй, а Тахтамыш преже всех побежа, а после Витовт побеже в мале дружине, а Татарове много побита гонячи за Витовтом. Се же побоище сключися месяца августа 12 день на память святых мученик Фотеа и Ныкити. А се князи побитыи Литовскыи: князь Андрей Полоскый и Дмитрий брат его Брянскый, Ольгердовичи, князь Михайло Евнутьевич, князь Иван Дмитреевичь Кыдырь, князь Андреи пасынок Дмитриев, кнзяь Иван Евлашковичь, князь Иван Борисовичь Киевскый, князь Глеб Святославичь Смоленский, князь Левь Корьяадовичь, князь Михайло Васильевичь, брат его князь Семен Васильевичь, кнзяь Михаило Подберезскый, князь Дмитреи Волынскый, князь Амонть, иже (в) Смоленску бе; иных много полегоша князи, и бояр и панов, Ляхов множество и многых земель.

Царь Темир Кутлуй прииде к Киеву, а силу роспусти воевати землю Литовскую; и ходиша до Луцка, и гради многы поплениша, и землю пусту сътвориша; а ис Киева Темир Кутлуй, възмя 3000 сребра, поиде в свою землю».

Хан татарский и князь Витовт

В лето 6907 (1399 г.) .. .Тое же осени князь Семен Суздальскии приде ратью к Ноугороду Нижнему, а с ним царевичь Ентяк с тысячею татар, а люди затворишася в городе, а воеводы бяху у них Володимер Даниловичь, Григореи Володимеровичь, Иван Лихорь. И бысть им бои три дня и много людеи от стрел паде и по сем взяша мир. Христиане крест целоваша, а татарове по своей вере Даша правду, что им никоторого зла христианом не творити и (потом) татарове створиша лесть, а клятву преступиша, пограбиша всех христиан нагих отпустиша, а Семен глаголаше: не аз есмь створивыи се, но татарове, а яз не волен в них, а с них не могу. И тако татарове Новгород взяша октября в 25 день и пребыша ту со две недели, дондеже услышаша ,што князь велики идет на ня (ратью) и побежаша (к Орде).

А князи велики слышав се и събра рати многы, посла брата своего князя Юриа Дмитреевича, а с ним воевод и стареиших боар и силу многу. Он же шед взяша град Болгары, Жукотин, Казань, Кременьчук и всю землю их повоева, и много бесермен и татар побиша, а землю татарскую плени- ша. И въеватт три месяци, взвратися с великою победою и с многою корыстию в землю Русскую». «В лето 6913 (1405 г.) прииде к великому князю от царя Шадибека посол, именем Мирза, иже бе казначей царев». «В лето 6914 (1406 г.) .Того же лета месяца сентебря в 7 день князь велики Василеи Дмитиевичь, събрав воя многы, поиде на Витовта и пришед ста на Плаве. Прииде же к нему их Орды рать Татарская от царя Шадибека на помощь, а Витовт с своею силою пришед, ста на Пешкове гати и стоявшее немного, разидошася, вземше перемирие до того же году. <. .>

Война за трон

Тое же зимы царь Шадибек убил царя Тахтамыша в Сибирскои земли». «В лето 6915 (1407 г.) .Того же лето июля 20 князь Иван Тферьскы поиде в Орду в судех по Волзе к царю Шадибеку и бысть в то время замятня велика, згони Шадибека с царьства Булат салтан». «В лето 6916 (1408 г.) .Тое же зимы некоторыи князь ордынскии, имене Едегеи, повелением Булата царя, прииде ратью на Русскую землю, а с ним 4 царевичи да прочии князи Татарстии; а се имена их: Бучак царевичь, Тегрибердии царевичь, Алтымырь царевичь, Булат царевичь, князь великыи Едигеи, князь Махмет, Исуп Сюлименев сын, князь Тегиня,

Шихов сын, князь Сараи, Урусахов сын, князь Обрягим, Темирязева сын, князь Якъшибии, Егедеев сын, князь Сеитялибии, князь Бур- нак, князь Ериклиберди. Се же слышав, князь велики Василеи Дмитреевичь не стал на бои противу Татар, но отъеха вборзе на Кострому. И бысть в Филипово говенье месяца декабря в 1 день, в субботу до обеда поиде Едегеи к Москве ратью с всею силою Татарскою, и распусти их по всему великому княжению и разсыпашася по всеи земли, аки злии влъци, по всем градом и по странам и волостем и по селом и не остася таковаго места, идее же не бывали Татарове. Взяша град Переславль и огнем пожгоша, такоже и Ростов, и Дмитров, и Серпухов и Новъгород Нижнеи и Городець. А за князем за великим в погоню послан бысть царевичь Тегрибердии да князь Якъшибии, сын Едегеев, да князь Сеитялибии, да с ними избранным рати 30 000. И те гнавшееся по нем не постигоша его, ниже обретоша его и паки възвратишася к Едигею.

Продолжение следует

Источник: История татар. Том III. Улус Джучи (Золотая Орда).
Автор: Искандер Измайлов
Подготовил для «Миллиард.Татар»: Владислав Безменов