«Того же лета царь Токтамышь посла в Болгары и повеле христианскиа гости Русскыя грабити»

Откуп для татар

«В лето 6886 того же лета приидоша Татарове изгоном к Новугороду Нижнему, а князя в Новегороде несть, а люди ся розбегли, граждане град повергыше побежаша за волгу, и в то время приеха с Городца князь Дмитреи и виде град взят и посла к Татаром, дая окуп з города, они же окупа не взяша, а град пожгоша в самыми Боришь день, а на завтрее от града отидоша и идучи повоеваша Березово поле и уезд весь. Тогды у святаго Спаса иконы пожгоша и двери выжгоша чюднее, иже беша устроены дивно медию золоченою. <. .>

Того же лета Ординьскыи князь поганыи Мамаи, собрав воя многы и посла Бегича ратию на князя великаго Дмитрея Ивановича и на всю землю Русскую. Се же слышав князь велики Дмитрея Ивановичь, собрав воя многы и поиде противу в силе тяжце и переехав за Оку, вниде [въ] землю Рязаньскую и сретошася с Татары оу рекы оу Вожжи и стояху, промежю собою реку имущее. Не по мнозех же днех Татарове переехаша на Сю сторону и удариша в кони свои и скочиша вборзе, и нюкнуша гласы своими и поидоша на грунах и тъкнуша на наших, и удари на них с одину сторону Тимофеи околничии, а с другую сторону князь Данилеи Проньскы, а князь велики удари в лице. Татарове же в том час повергоша копиа своя и побегоша за реку за Вожю, а наши после за ним бьючи их, секучи и колючи и убиваша их множьство, а инии в реце истопоша. А се имяна избытых князеи: Хазибии; Коверга, Карабалук, Костров, Бегичка.

И собралась рать татарская

По сих же приспе вечер и заиде солнце и смерчеся свете и наста нощь и бысть тма и нельзе бяше гнатися за ними за реку. А на завъутрие бысть мъгла велми велика, а Татарове так и побегоша еще сущи с вечера и чрес всю нощь бежаху. Князь же великия на завъутрие оуже перед обедом поиде за ними следом их и погнаша их убежавших далече, обретоша бо в поле повержены дворы их и шатры их и вежи их и юртовища и алачюги и телегы их, а в них товар бещислен, все пометано, а самих не обретоша, бяху Бо побежали к Орде. .Тогда убиен бысть Дмитреи Монастырев да Назар Данилов Кусакова. Се бысть побоище прилучися месяца августа в 11 день на память святаго мученика Еоупла диакона, в среду при вечере, и поможе Бог князю великому Дмитрею Ивановичю одоле ратным и победи врагы своя и прогна поганых Татар, и посрамлении быша окааннии Половци, възвратишася с студом без оуспеха нечестивия Измалтяне .прибегоша в Орду к своему царю, паче к пославшему Мамаю, понеже царь их, иже в то время имеяху оу себе, не владеяше ничим же и несмеаша ничто же сотворити пред Мамаем, но всяко стареишиньство сдръжаше и Мамаи и всеми владеаше в Орде.

Видев же Мамаи изнеможение дружины своея, прибегшее к нему, а иныя избиты князи и велможи и алпаоуты и многыя воя свря изгибша, разгневася зело и взъярися злобою. И тое же осени собрав останочную силу свою и совокупив воя многы, поиде ратию вборзе без вести изгоном на Рязаньскую землю. Князь же Олег не приготовился бе и не ста противу их на бои, но выбежали из своея земли, а град свои поверже, и перебежа за Оку. Татарове же пришедши град Переяславль Рязаньскыи взяша и огнем пожгоша и волости и села повоеваша, а люди много посекоша, а иные в полон поведоша и возвратишася во страну свою, много зла сотворившее».

Начало побоища

«В лето 6888 (1380 г.) ...Того же лета безбожныи злочестивыи Ординскыи князь Мамаи поганыи, собрав рати многы и всю землю Половечьскую и Татарьскую и рати понаимовав, Фрязы и Черкассы и Ясы, и со всеми сими поиде на великого князя Дмитриа Ивановича и на всю землю Русскую. И бысть месяца августа, приидоша от Орды вести к князю к великому Дмитрию Ивановичю, аже въздвизается рать Татараьскаа на христианы, поганыи род Измалтескыи, и Мамаи нечестивыи лютее гневашеся на великаго князя Дмитриа о своих друзех и любовницех и о княхех, иже побиени бысть на реце на Вожже, подвижася силою многою, хотя пленити землю Русскую.

Се же слышав князь велики Дмитреи Иванович(ь), собрав воя многы, поиде противу их, хотя боронити своея отчины и за святыя церкви и за правоверную веру христианьскую и за всю Русьскую землю. И переехав Оку, прииде ему пакы другыя вести, поидоша ему Мамая за Доном собравшася, в поле стояша и ждуща к собе Ягаила на помощь, рати Литовскые.

Князь же велики поиде за Дон и бысть поле чисто и велико зело, и ту сретошася погани Половци, Татарьстии пълци, бе бо поле чисто на усть Непрядвы. И ту изоплъчишася обои, и устремишася на бои, и соступишася обои, и бысть на длъзе часе брань крепка зело и сеча зла. Чресъ весь день сечахуся и падоша мертвых множьство бесчисленно от обоих. И поможе Бог князю великому Дмитрею Ивановичю, а мамаевы плъци погани побегоша, а наши после, биющи, секуще поганых без милости. Бог бо невидимою силою устраши сыны Агаряны, и побегоша обрати(ша) плещи свои на язвы, и мнози оружием падоша, а друзии в реце истопоша.

И гнаша их дорекы до Мечи и тамо множество их избиша, а другзии погрязоша в воде и потопоша. Иноплеменници же гоними гневом Божии и страхом одръжи- ми сущее, и убежа Мамаи в мале дружине в свою землю Татарьскую. Се бысть побоище месяца септября в 8 день, на Рождество святыя Богородица, в субботу ло обеда. И ту оубиени быша суиме князь Федор Романович Белозерскыи, сын его князь Иван Феодоровичь, Семен Михаиловичь, Микула Василиевич, Михаило Ивановичь Окинфовичь, Андреи Серкизов, Тимофеи Волуи, Михаило Бренков, Лев Морозов, Семен Мелик, Александр Пересвет и инии мнози.

И собралась рать русская

Князь же велики Дмитреи Иванович(ь) с прочими князи Русскыми и с воеводами и с бояры и с велможами и со остаточными пълки Русскыми, став на костех, благодаря Бога и похвали похвалами дружинусвою, иже крепко бишася с иноплеменникы и твердо зань брашася, и мужьскы храброваша и дръзнуша по Бозе за веру христианьскую, и возвратися отьтуду на Москву в свою отчину с победою великою, одоле ратным, победив врагы своя. И мнози вои его возрадовашася, яко обретающее користь многу, погна бо с собою многа стада кони, вельблюды и волы, имже несть числа, и доспех, и порты, и товар.

Тогда поведаша князю великому, что князь Олег Рязаньскыи послал Мамаю на помощь свою силу, а сам на реках мосты переметал. Князь же велики про то въсхоте на Олга послати рать свою. И се внезапу в то время приехаша к нему бояре Рязаньстт и поведоша ему, что князь Олег поверг свою землю, да сам побежал и со княгинею и з детми и с бояры и з думцами своими. И молиша его о сем, дабы на них рати не слал, а сам биша ему челом и рядишася у него в ряд. Князь велики, послушав их и приим челобитие их, не остави их слова, рати на них не посла, а сам поиде в свою землю, а на Рязанском княженье посади свои наместници.

Тогда же Мамаи не во мнозе утече с Доньского побоища и прибеже в свою землю в мале дружине, видя себе бита и бежавша и посрамлена и поругана, пакы гневашеся, неистовяся, яряся и съмущашеся, и собраша останочную свою силу, еще въсхоте ити изгономпакы на великого князя Дмитрея Ивановича и на всю Русскую землю. Сице ему умысльшу и се прииде ему весть, что идет на него некыи царь со востока, именем Токтамышь из Синее Орды. Мамаи же, еже уготовал на ны рать, с тою ратию готовую поиде противу его, и сретошася на Калках. Мамаевы же князи, сшедше с конеи своих, и биша челом царю Токтамышу и Даша ему правду по своеи вере, и пиша к нему роту, и яшася за него, а Мамая оставиша, яко поругана .Мамаи же, то видев, и скоро побежа со своими думцами и с единомыгсленикы. Царь же Токтамышь посла за ним в погоню воя своя и оубиша Мамая, а сам шед взя Орду Мамаеву и царици его и казны его и улусвесь поима и богатьство Мамаево раздели дружине своеи.

И отътуду послы своя отъпусти на Русскую землю ко князю великому Дмитрию Ивановичю и ко всем князем Русскым, поведая им свои приход и како въцарися, и како супротивника своего и их врага Мамая победи, а сам шед седее на царстве Волжьском. Князи же Русстии пословего отъпусти- ша с честию и с дары, а сами на зиму ту и на ту весну за ними отъпустиша коиждо своих киличеев со многыми дары ко царю Токтамышю».
«В лето 6888 (1380 г.) <.>

Ордынское посольство

А Мамаи тогда не во мнозе убеза и прибеже в землю свою ,виде себе обита и побежена и посрамлена и поругана, и пакы гневашеся и яряшеся зело и собрав остаточную свою силу еще восхоте ити изгоном на Русь. И сице ему умыслившу, и се весть прииде к нему, что идет на него некыи царь со востока именем Тахтамышь ис Синие Орды. Мамаи же на ны рать уготова и с тою ратью готовою поиде противу его, и сретошася на Калках, и бысть им бои, и царь Тахтамышь победи Мамая и прогна его. Мамаевы же князи шед с конеи своих и биша челом царю Тахтамышу и давшее ему правду, по своеи вере яшася по него, а Мамая оставиша поругана. Мамаи же видев скоро беже с своими единомысленикы, царь же Тахтамышь посла за ними в погоню воя своя. Мамаи же гоним сыи, бегая пред Тахтамышевыми гонители и прибеже близь города Кафы и сослася с ними по опасу, да бы приняли его на избавленье, донде же избудеть от гонящих его. И повелеша ему, и прибеже Мамаи в Кафу со множеством имениа, злата и сребра, Кафинци же свещавшеся створивъше лесть над ним убиша его. Тако конець безбожному Мамаю.

Царь же Тахтамышь шед взя Орду Мамаеву и цесарици его и казну его и все улысы поима и раздели богатьство Мамаево дружине своеи».

«В лето 6889 (1381 г.) .Того же лета выидоша из Орды киличееве князя великаго Толбуга да Мокшеи к Госпожину дни. Того же лета царь Токтамыш, послав своего посла к великому князю Дмитрию Ивановичю и ко всем князем Русскым, царевича некоего Акъхозю, а с ним дружину 700 Татаринов и дошед Новагорода Нижняго и возвратися воспять, а на Москву не дръзнул ити, но посла некоих от своих товарищев, не во мнозе дружине, но ити не смеяху болмач».

Побивание купцов и постоянные бои

«В лето 6890 .Того же лета царь Токтамышь посла в Болгары и повеле христианскиа гости Русскыя грабити, а съсуды их и с товаром отнимати и провадити к себе на перевоз, а сам, събрав воя многы, подвижеся к Волзе с всею силою своею и с всеми своими безбожными полкы Татарскыми, и перевеся Волгу, поиде изгоном на великого князя Дмитриа Ивановичя и на всю землю Русскую. И то слышав князь Дмитреи Костянтиновичь, и посла ша к царю два сына своя, князя Василиа, да князя Семена, и гнаша в след его, и переехаша дорогу его на Серначе, и поидоша в влед его, и постигоша его на Рязани. А князь велики Олег Рязанскыи обведе царя около всеи своеи отчины. И прииде въскоре весть на Москву.

Князь же велики Дмитреи Иванович, то слышав, что сам царь идеть на него с всею силою своею, не ста на бои, ни противу его поднял рукы, противу царя Тахтамышя, но поеха в свои град на Косторому.

Царь же, перешед реку Оку, и преже всех взя град Серпухов и огнем пожже и, и оттуду поиде к Москве, напрасно устремися, волости и села жгучи и воюючи, а ро христиански секучи и убиваю- чи, а иныя люди в полон емлючи. И прииде к граду к Москве месяца августа в 23 день в понеделник; а в городе Иоскве тогда затворися князь Остеи, внук Олгердов, с множеством народа, с теми елико осталося гражан, и елико бежиан с волостеи збежалося, и елико от инех збежалося, а в то время приключишася и елико игумени, и прозвитери, и чернеци, и нищи и убозии, и всяк възрастмужеи и жены, и дети, и младенци.

Царь же стоя у города 3 дни, а на 4 день оболга Остея лживыми речми и миром лживым, и вызва его из города, и уби его пред спы града, а ратем своим всем повеле оступати град весь с все страны, и по лествицам възлезшем им на город на заборолы, и тако взяша град, месяца августа 26 день, на память святого мученика Андреяна и Наталии, в 7 час дни. Людие христиане, сущии в граде затвори- шася в церквах зборных каменных. 

Ордынский поход на Москву

Татарове же силою разбиша двери церковныа и сих мечи изсеко- ша, а другиа оружием до конца смерти предаша, церкви сборныя разграбиша, и иконы чюдныя и чесныя одраша украшенныя златом и сребром, и жемчюгом, и бисером, и камением драгым, и пелены попраша, и съсуды церковныа священныя поимаша, и ризы поповскыя пограбиша. Книгы же толико множество снесено с всего города и из загородья и из сел в соборных церквах, до стропа наметано, съхранениа ради спроважено, то все без вести съвориша.

В церквах же и в олтарех убииство съдеаша и кровопролитья съвориша окааннии, и святая места погани оскверниша; .. .прольяше кровь их, яко воду, около Москвы, и не бе погребаяи, иереи, священници оружием падоша, и ту убиен бысть Семен, архимандрит Спаскыи и другыи архимандрит Иаков, и игумен Акинф Кирилов, и инии мнози игумени, и прозвитери, и чернци, и крилошане, и чернеци, и Попове, диакони, и простьци от унаго и до старца, и младенца мужеска полу и женьска, тии все побиени быша; друзии же в полон поведе, ни быша в погонь. И бяше в граде видети тогда плачь и рыдание и вопль мног, слезы, крик, стонание, охание, сетование, печаль горкая, скорбь, беда, нужа, горесть смертная, страх, трепет, ужас, дряхлова- ние, ищезновение, роптание, безчестие, поругание, понос, смехание врагом и укор, студ, срамота, поношение, грех ради наших. Татарове же вземше Москву град, товар же и имениа вся пограбиша, и по сем огнем пожгоша, град убо огню предаша, а людеи мечю предаша, и тако въскоре взяша град.

А иную силу царь распусти по земли воевати, а иныя ходиша к Звенигороду, а иныи к Волоку и к Можаиску, а иныи к Димитрову, а иную рать посла на Переяславль; и те, тамо шедшее, взяша град Переяславль и огнем пожгоша, а людие выбегоша вон из города по озеру в судех и тамо избыша. Татарове же волости повоеваша, и городы поимаша, а села пожгоша, а монастыри пограбиша, а христиан посекоша, а иных в полон поведоша, и много зла сътвориша.

Продолжение следует

Источник: История татар. Том III. Улус Джучи (Золотая Орда).
Автор: Искандер Измайлов
Подготовил для «Миллиард.Татар»: Владислав Безменов