«Едигеи же взем окуп поиде от Москвы в Орду, стоя же у города 3 недели»

Зимовка Едигея

Стоя же Едигеи у Москвы в селе Коломенском и тогда посылает послы своя Булата царевича да князя Ериклиберди на Тверь к князю великому Ивану Михаиловичу Тверскому, веля ему бытии у Москвы часа того и с всею ратью тверскою, и с пушками, и с тюфяки, и с самострелы и с всеми съсуды градобивными, хотя разбитии град Москву. Князь же Иван не хотя сего сътворити, ни изме- нити крестнаго целованиа и давнаго мира и любви с великим князем, но сице умыслил: с Твери поиде без рати, не в мнозе дружине, и не доехав Москвы възвратися пакы с Клина на Тверь. И таковым коварством перемудрова: ни Едегея разгнева, ни князю великому погруби, обоим обоего избежа. Се же створи уменски, паче же истински. Град же Москва в печали велице бысть вои обстоим, а людие в нем затворишася, посад же около его сами пожгоша, боящееся примета.
В граде бо затворилися с ними: князь Володимер Андреевичь, князь Андреи Дмитреевичь и брат его князь Петр и князь Иван Юриевич и мнози бояре с ними и епископы и весь священническии чин и стран збегошася твердости ради градные. Скорбию же великою одержими бяху, ни откуду пособа имущее, но точию от единого Бога помощи получити прошаху и пречистеи матери его молящееся, скорби в бедах помощници христианьскому роду ... Всеблаги же милостивыи человеколюбец Бог услыша скорбь люди своих и молитв и молениа и вздыханиа их не презре, но обычным своим человеколюбием помилова люди своя от безбожных Измаилтян избави. В время бо се, в не же Едигеи пришед у Москвы стояше. хотя и зимовати ту, всячески же похваляшеся град взятии хотяше.

Откуп горожан 

А в то время в Орде некыи царевичь приобрете себе некия споборники паче же обреете себе время благополучно, егда вся Орда истощися: вси бо татарове изыдоша на Русь воевати, мало женецы от них осташася около царя .и царевичь удари на ня изгоном, устремися напрасно на Орду, но обаче спону створи ему проводник его, его же и пресече: не бо приведе его на царя, но на торг, еще же и мгла бысть велика. Но аще и желаемаго не получи, но и тако по премногу смутив я: за малым бо и самого царя не захвати и мног мятеж в Орде створив, отыде. Царь же Булат в ужасе зело бысть и посылает вскоре на Русь по Едигея скоропосольники своя, веляще ему без всякого пождания поити к себе, с многою скоростью, боася да не пакы пришед изгонять его с Орды или имуть.

Слышав же се Едигеи и искаше подобна времена како бы отступпити от Москвы, не яко одолеет, но всячсески победив, и нача просити окупа з города. Сущии же в граде князи и бояре и вся людие не ведущее бывшаго повинушася дати окуп 3000 рублев. Едигеи же взем окуп поиде от Москвы в Орду, стоя же у города 3 недели, а к граду не приступал, ни рати припущал, но стоял все в Коломен¬ском селе. Егда же отъити хотяше и тако отпусти преже своя воя с множеством полона, а сам с всею ратью поиде месяца декабря в 20 день. Отшедшим же татаром с множеством полона и всякого товара и всякого узорочиа наимавшеся, полона же толико множество ведяху яко многы тысяща числом превосхождааше. Жалостно же бе видяху и достоино слез многих, яко един татарин до четыредесять христиан ведяше с нужею повязавши.

Много множество иссечено бысть, инии же от мраза изомроша, друзии жажею и гладом умираху, отци и матери плакаху зрящи чад своих разбива¬емых и умерщвляемых, такоже и чада рыдаху разлучениа от родитель своих, и не бысть помилую- щего, ниже избавляющего ни помогающего. И бысть тогда в всеи Рускои земли всем христианом туга велика и плачь неутешим и рыдание и кричание: вся бо земля пленена бысть, начен от земли Рязанскиа и до Галича и до Белаозера».

Поход княжеской рати на Булгар

«В лето 6917 (1409 г.) .Того же лета ходи Анфал на Болгары Камою и Волгою, 100 насадов Камою, а Волгою 100 и 50. И избиша их в Каме Татарове, а Анфала Яша и ведоша в Орду, в Волжьскые насады не поспели». «В лето 6920 (1412 г.). Князь великии Василии Дмитреевич ходи в Орду ко ц(а)рю Зелини-Салтану Тактамышову сыну». «В лето 6930 (1422 г.) .Того же лета .августа .Того же месяца 31 царь Барак поби Куидодата, а на осень приходи к Одоеву ратью и отъиде прочь города не взем, а зло учинив, и отъиде с полоном в поле. И князь Юрьи Романович Одуевъскы да Григореи Мценьскы състиг его, били и полон отъимали». «В лето 6939 (1431 г.) .Князь великы Василеи посылал ратью на Болгары Волжьскые князя Федора Давыдовича Пестрого, он же шед взя их, всю землю их плени. <.> Того же лета князь великы Василеи да князь Юрьи Дмитреевич. Дядя его, спершися о великом княженье и похотеша ити в Орду к царю Махметю на праздник же пречистыа Успеньа. Князь великы по отпущении литургиа .и поиде к Орде того же дне <.>

В лето 6940 (1432 г.). Месяца семтевриа в 8 князь Юрьи Дмитреевич на праздник рождества пречистыа Богородици поиде за великимкнязем ко Орде же. И яко же им пришедшим в Орду и взят их к собе в улус дорога Московъскои Минбулат. Князю же великому честь бе велика от него, а князю Юрью бесчестие, истома велика.

Бить челом за князя великого

Но добр бяше до князя Юрьа князь великы Ординьскы Ширин Тегыня, и пришед тои и взят его силою у Минбулата и великое княжениье обеща ему дати. И поиде Ширин Тегиня и с князем Юрьем в Крым зимовати, а князь великы оста в Орде у Миньбулата. Боарин же тогда с великым князем Иван Дмитреевич, тои здума великому князю начат бити челом великим князем Ординьскым, Алдару и Миньбулату. И прочим глаголя коемуждо тако: «се ли господине, ваше печалование к царю и верное ваше слово о нашем государе великом князе, что не может царь ис Тегинина слова выступити мимо всех вас, но хочет по его слову дати великое княжение князю тогды что будет, князь Юрьи князь великы будет на Москве, а в Литве князь великы побратим его Швитригаило, а Тегиня в Орде и во царе волен, не молвив вас». И тем словом яко же стрелою уязви сердца их, и таков си они князи Ординьстии начаша царю бити челом за великого князя и въпреки глаголати с ним, и одолеша царю, и рече к ним царь: «аще речет Тегиня за князя Юрьа о великом княженье, то убити его повелеваю».

И как бысть весна и тогда прииде Тегиня ис Крыма в Орду, а княжение великое князю Юрью хотя дати. Нехто же Татарин Усеин именем, постельник царев, братанич тому Тегине, сказа ему думу цареву и князеи всех, аще что речеть о князе Юрье, то убиту ему бытии. Слышав же то Тегиня и не смев ничто противу глаголати их или въпречитися.

Вотчина в подарок

Царь же повелев своим князем судити князеи Русских, и много пря бысть межи их, князь великы по отечьству и по дедьству искати стола своего, князь же Юрьи летописци и старыми спискы и духовною отца своего велиого князя Дмитрея. И тогда рече боярин великого князя Иван Дмитреевич царю и князем его, глаголя сице: «государь, волны царь, ослободи молвити слово мне, холопу великого князя. Нашь государь великы князь Василеи ищет стоал своего великого княжениа, а твоего улусу, по твоему цареву жалование перед тобою. А господин нашь князь Юрьи Дмитреевич хочет взятии великое княжение по мертвои грамоте отца своего, а не по твоему жалованию волного царя, а ты волен во своем улусе, кого въхощешь жаловати на твоеи воле. А и государь нашь князь велики Василеи Дмитреевич великое княжение дал своему сыну великому князю Василью, господине, которои год сидить на своем столе, а на твоем жалование, тебе, своему государю, правеся. Волному царю, а самому тебе ведомо».

И тогда царь дасть великое княжение князю Василью Васильевичю и повеле князю Юрью и конь повести под ним. Князь же великы не восхоте того, дядю своего обесче- стити, а Ширин Тегиня ста о том же противу царя и хоте отступати от него, поне же бо в то время пошел бяше на Махмета Кичь-Ахмет царь, он же убоявся того створи по Тегинину слову, да придал князь Юрью к его вотчине Дмитров со властьми всеми. И отпусти царь их на свое отчины, и прииде князь великы на Москву на Петров день, а князь Юрьи в Звенигород, а оттоля в Дмитров».

Продолжение следует

Источник: История татар. Том III. Улус Джучи (Золотая Орда).
Автор: Искандер Измайлов
Подготовил для «Миллиард.Татар»: Владислав Безменов