«Призывает государь к собе немчина, именуема Размысла, хитра, навычна градскому разорению. и приказывает ему подкоп под град учинити»

Царь разсмотряет мест градскых

Того же месяца 25, в четверток, повеле государь зa Kaзaнь итти яртоулу с верх-Kaзaни c Арского поля, а правой руке ниже Kaзaни зa Казань же за реку, и стати против города. И вылазили на ертоула ис Казани-города многие люди Казаньскые, и билися стрелами на обе стороны на много время, и сразившимся обоим и пособил ертоулу передовово полку другой воевода князь Дмитрий Ивановичь Хилков з детми боярьскыми и, Богу православным пособьствующе, и потопташа Казанцов по самой город, иных от них убиша, а многых уязвиша, православнии же Богом съхранены бысть; ранены же быша и воеводы князь Юрьи. – И в среду вечере бысть буря велика.

И того же дни бысть буря велика, и шатром царскым и по многим полком падшеся, а на Волзе в ocтрове многие суды порозбило, царьскые запасы и всего воиньства. И о сем бяше скорбь в людех; государь же посылает, а велит из Свиязьского города многие запасы привести, и недостаточным повелеше давати, а к Москве государь посылает, а велит к собе спешити с многою казною и з запасы многыми, и зазимовати хотяше тут.

О вылазке из города Казаньскых людей

А сам государь ездяще не во многых людех круг града в все дни и в нощи и разсмотряючи мест, по коим местом крепости делати. И в пятницу, того же месяца в 26, повеле государь болшую крепость делати против Царевых ворот и Арьскых и Аталыковых и Тюменьскых. И повеле из болшого полку другому воеводе слуге князю Михаилу Ивановичю Воротыньскому своим полком соити с коней, итти пешему к городу и туры катити, болшему воеводе боярину князю Ивану Феодоровичю своим полком быти на конех; а ис своего государь полку посылает головы на конех выборные з детми боярьскыми, а велел государь того беречи: вылезут люди конные на князя Михаила, и князю Ивану делать, сколко Бог поможет; да из своего же государь полку послал детей боярьскых [205] выбрав дородных, искусных ратному обычаю, а им розделя боярскых людей всякому сыну боярскому посту человек, а велел им быти у князя Михаила пешим. – О поставлении туров у града Казани.

Того же дни в вечернюю годину по государеву наказу поиде князь Михайло к городу и по государеву наказу устроя люди: наперед велел итти к городу стрелетцкым головам Ивану Черемисинову, Григорию Желобову, Феодору Дурасову, диаку Ржевскому со их со всеми стрелцы, да отоманом казачьим многым с казаки да головам з боярьскыми людьми, и туры велел покатитина уреченое место, а сам з детми боярьскыми поиде пешь зa ними.

«Наряд болшей к городу прикачен»

И как пошли к городу, и Казанцы вылезли многые люди конные и пешие, и обоим, христианом и Татаром, биющеся крепце на много время, и из пушек по граду и по воротам безпрестани биюще и стрелцы из пищалей, такоже и з города ис пушек и из пищалей стреляху, и бысть сеча велиа и приужастна, от пушечного бою и от пищалного грому и от гласов и вопу и кричаниа от обоих людей и от трескоты оружий и не бысть слышати друг друга глаголаннаго, бысть яко гром велий и блистание от множества огня пушечнаго и пищалнаго стреляниа и дымного курениа. И Богу помогающу православным, одолеваху безбожных и множество побиша Татар и в град вбиша их, и мосты градцкые наполнилися мертвых.

И сташа головы стрелетцкие, стрелцы и головы з боярьскими людми и казаки по рву града и стреляхуся из пищалей и ис луков; а князь Михаило Ивановичь утвердиша туры и землею насыпаша зa 50 сажен от города, от рекы от Булака и по ворота, против всего города с приступных мест, и велит головам всех людей отвести к турам и перед турами веляше стрелцом и казаком против города зaкопатися во рвы. А из города же вылазя, биющеся, и до полунощи приходяши х турам и биющеся и зa рукы имаяся, и Божиим поспешеством побиваху поганых православнии и во град вбивааху их; тако и чрез всю нощь биющеся безпрестани приходящи х турам и биющеся и за рукы имающеся, ни мало сна приемлющи, и Божиею помощию побиваху поганых. Государь же благочестивый безпрестани велит в церквах молебная съврешати, и посылает государь по часом бояр своих, да утверждаются и не ослабевают биющеся. И на том бою Божиею помощью множество побита Казанцов, убили князя Ислама Нарыкова, Башканду Бранцова и Сюнчелея багатыря, и многых князей и мурз побили. Православнии же по Божией благодати немногие падоша, от выборных голов з боярьскыми людьми сын боярьской Левонтей Борисов сын Шюшерин, а многие быша ранены да Божиею благодатию вставающе; и о сем государь благодарение Богу въздает и впред делом пространяет. – Наряд болшей к городу прикачен.

«Приход Казаньскых людей на передовой полк»

И в суботу, 27 Августа повеле государь боярину своему Михаилу Яковлевичю Морозову наряд болшей прикатити [206] к турам; и посылает государь околничего своего Петра Василиевича Морозова, а велит у тех же тур быти, которые князь Михайло ставит. И боярин Михайло Яковличь прикатиша наряд и устроиша, как ему быти по местом; и начаша безпрестани по граду бити стено-битньм боем и верхными пушками огнеными, побиваху многих людей из наряду; такоже и стрелцы пред турами в закопех не даваше на стенах людем быти и из ворот вылазити. Многих побиваша. Того же дни послал государь околиичего своего Ивана Михайловича Воронцова мест смотрити, где стояти болшему полку. А в то время вылазил из Крымскых ворот Карамышь-улан, Кудайгу-уланов сын, те же бе ему ворота приказаны, хотяше добыти языка близ княже Иванова полку Мстиславьского, полку же не собрану; и поскорившу князю Ивану Феодоровичю приити на них, и побиша их, Карамыша-улана жива изымавше; самово же князя Ивана уязвиша двемя стрелами, прочии же все здравы бысть христиане. И князь Иван Феодоровичь Карамышь-улана послал к государю царю великому князю, царь же веляше его крепко пытати.

И сказывал Карамышь, что люди в городе в пятницу многие побиты, а царь Kaзaньской Едигер-Магмет и вся земля Казаньская на смерть в городе затворилися и не хотя государю бити челом, Бог бо ожесточи сердца их, якоже и фараонови, да прославитця имя Его святое в нас. – Приход Казаньскых людей на передовой полк.

«О побиении Татар на Арском поле»

И в неделю, 28 Августа, приидоша с лесу многие люди Казанцы на Арьское поле и нападоша внeзaпу на передовой полк и поставленаго голову на сторожех от лесу Третиака Лошакова убиша. Воевода же князь Дмитрий Ивановичь Хилков поскориша приити на них, на станы бо его приидоша, и храбрствовавшу мужествене на них, крепце биющеся с ними, такоже приспевшу боярину князю Ивану Ивановичю Проньскому, помале из большево полку приспевшу боярину князю Ивану Феодоровичю Мстиславьскому и княже Володимерову боярину Андреевича князю Юрью Оболеньскому. Государю вестно воеводы учиниша, и государь вскоре повелел дворовым воеводам головы послати, и сам государь хотяше поспешити к своему делу. А онем же бившемся, и потопташа воеводы Татар по лес и разыдошася, живых от них изымаша Мырзу Шаболотова сына княжево с товарищи; и на том бою от обоих же падоша и многым язвленым быша. Языкы же государю сказывали, что проходили Япанча-князь да Евушь-князь из острогу от Арска, и мысль их в все места приходити х полком царьскым, да где пакость сътворят.

И в понеделъник, 29 Августа, повеле государь правой руке, боярину князю Петру Михайловичю Щенятеву да воеводе князю Андрею Михайловичю Курбьскому, да ертоулом, князю Юрью Ивановичю Проньскому да князю Феодору Ивановичю Троекурову, зa Kaзaнию по берегу Казани-реки против города туры ставити. И [207] урядиша воеводы по государеву наказу по предиреченному, стрелетцкого голову Ивана Ершова с стрелцы и многых атаманов напред послаша, и стали стрелцы и казакы по брегу и закопалися во рвы; из города же стреляюще ис пушек и из пищалей и из луков, а стрелцы на них стреляше из пищалей и казаки из луков Воеводы же туры поставили мужествено и землю укрепили и сами под турами стали, под цареву повелению, правая рука, а ертоул поиде на Арьское поле. Татарове же с леса выехав на поле Арьское конные многые и пешие и сташа близко лесу, а иным в лесу; государь же повеле своим полком брежно стояти, а с ними не битися, и заповедаша ни единому человеку не ехати травитца. Полцы же болшей полк и передовой полк, болшие воеводы и княже Володимиров Андреевича боярин князь Юрьи Оболеньской, и головы с людми царьского полку стояше чеpeз весь день.

А государь велел в той день туры ставити с Арскаго поля против города, а послал от себя боярина князя Дмитриа Феодоровича Палецкого да Алексиа Адашева, да другим воеводам передовово полку и ертоулу, да со князем Дмитрием послал своего полку головы многие з боярьскыми людми, стрелецкого голову Якова Бундова. И поставиша туры от болших туров, что князь Михайло ставил, по Казань по реку против Кабатьцкых ворот да Збойливых ворот да и Крымскых ворот и Елбугиных ворот без бою: Kaзaнцы не вылазили, толко стрельба была з города из пушек и из пищалей, из луков, а стрелцы и боярьскые люди на них стреляше. И где нелзе турам быти, и государь, пересмотря место, повеле диаку своему Ивану Выродкову промежь тур тын ставити. И утвердиша государь град Kaзaньской своими крепостьми: ни в город, ни из города весть не проидет; и приказал государь боярину своему Михаилу Ияковличю Морозову круг всего города наряд поставити и бити безпрестани по граду. – О побиении Татар на Арском поле.

«О послании в град Kaзaнь»

Того же месяца Августа 30, в вторник, умыслил государь послати на тех людей, которые с лесу на полкы приходят на царьские и на кормовщиков. И послал государь болярина своего и воеводу князя Александра Борисовича Горбатого да боярина князя Петра Семеновича Серебренаго, а с ними головы своего полку царьского з детьми боярьскими, и стрелецкие головы с стрельцы, и дети боярьские головы многие з боярьскыми людьми, и велел князю Александру на них прямо с Арьского поля приити; а князю Юрью Ивановичю Шемякину з детьми боярьскыми своим пол-ком, да пешие же стрелцы и боярьские люди и Мордва, – тем государь велел итти от Kaзaнирекы: как им князь Александр Борисовичь по времяни весть подаст, так князю Юрью напустити. И как князь Александр Борисовичь вышел с всеми людьми, а пеших всех от Кобанаoзepa послал лесом, Татарове же увидев князя Александра, вышли многие люди из лесу конные и пешие, и веляше князь Александр к ним немногым приближитися. Татарове же вси устремишася на бoи, и призвав православнии Бога на помощь, и напустил на них наперед с леса князь Юрьи Шемякин, а князь Александр Борисовичь уповая на Бога и велегласно рече: «напустим.

[208] время! Бог нас, то хто на ны?» и напустил с всеми людми. Благовернии же вся устремишася на поганых и всесилного Бога помощию побили Татар вскоре на голову и 15 верст гнаша и биша их. И ста боярин князь Александр Борисовичь с товарыщи на Килири-речке и веле трубити и съзывати ратных, по всем бо странам разгнашася на многие версты. И събра воя поиде назад по всему лесу зaне всеми людми, понеже многых Татар с коней позбили и они на лес валялися и пеши Татарове многие были по лесу розбежалися; и княаь Александр поиде к полю лесом, и пешие стрелцы и боярьскые люди от поля вси бяше на лесу, ищущи поганых и биюще их. Множество поганых на леcy побили, крыющеся по лесу на древие, а живых поимали и к государю привели 340 человек. И прислал князь Александр Борисовичь к государю Божиа щедроты вoзвecтить голову его царьскаго полку князя Ивана Ивановича Кашина. И слыша государь Божию милость на себе, царе православнем, и на всем православии и победу на нечестивых, и притече в церковь чюдотворца Сергия з благодарними слезами и хвалу о сем милосердому Богу въздает и впред милости и помощи просит. Воеводы к государю приехали того же дни с всеми детми боярьскыми, и государь их жалует великим жалованием и любовными словесы увещает и храбрство их похваляет и впредь жаловати их обещаетца. – О послании в град Kaзaнь.

«О порушении тайника»

В град же благочестивый царь посылает единого от приведеных Татар з грамотою, а пишет к ним, чтобы государю царю великому князю били челом, и государь всех пожалует, а не учнут бити челом, и государь тех живых, кои поиманы живы, велит побити. Граждане же не учиниша ответу, и царь их, пред градом приведчи, велел всех побити. – О подкопе.

Того же месяца Августа 31, в среду призывает государь к собе немчина, именуема Размысла, хитра, навычна градскому разорению. и приказывает ему подкоп под град учинити. И нача подкоп творити от Булака-реки у околничево у Петровых тур Морозова промежь Талыковых ворот и Тюменьскых. – Вспросе царской о воде. И призывает государь к собе Камая-мырзy нововыежево из Казани, и роспрашивает, отколе воду емлют в городе. Казань бо реку уже от них отняли; такожде и полонеников, которые в те дни выбегали к государю. И сказывали государю, что есть у них тайник от Казани от рекы, у Муралеевых ворот, ключь в берегу, а ходят к нему по подземелию. Государь же повеле сторожевому полку воеводам боярину князю Василию Семеновичю и Семену Василиевичю, да как възмогут испорушить путь их к воде; они же много покушашеся, но не вoзмoгоша, твердо бо землею путь их к воде утвержен. И воеводы государю възвестили, что путь их близко той бани каменой, в которой бани казаки государевы от них стоят, и с той бани мочно подкопатися под тайник. – О порушении тайника.

И государь послал к воеводам Алексиа Адашева, а с ним Разсмысла, а велел тот тайник Kaзaньской подкопывати; а велел ему на [209] то дело учеников отставити, а самому болшего дела беречи; и как изготовят подкопы и государь собе възвестити велел. И боярин князь Василей Семеновичь, прося у Бога милости прилежно о сем, по царьскому повелению пострадав о том в день и в нощь, и в десять день подкопался под мост. куды с водою ходят; и сам князь Василей с товарыщи извесно видев и гласы Татарьскые услышав, что с водою уже через них ходят. и възвестил государю. Лета 7061 [1552]. Септевриа месяца 4 повеле государь боярину и воеводам князю Василию Семеновичю Серебреному и Семену Васильевичю и Алексию под тайник зелиа подставити.